spot_img
Homeຂ່າວຕ່າງປະເທດຣັດເຊຍເລັ່ງການເຮັດປະຊາມະຕິເພື່ອຈະເອົາດິນແດນໃນຢູເຄຣນ

ຣັດເຊຍເລັ່ງການເຮັດປະຊາມະຕິເພື່ອຈະເອົາດິນແດນໃນຢູເຄຣນ

Published on

ບັນດາຜູ້ນຳທີ່ໄດ້ຮັບການແຕ່ງຕັ້ງຈາກຣັດເຊຍໃນເຂດຕ່າງໆທີ່ຢູ່ພາຍໃຕ້ການຍຶດຄອງຣັດເຊຍໃນ 4 ແຄ້ວນຂອງຢູເຄຣນ ໃນວັນອັງຄານ ວັນທີ 20 ກັນຍາ ເລັ່ງລັດ​ແຜນການ “​ລົງ​ປະຊາ​ມະຕິ” ເຂົ້າເປັນສ່ວນໜຶ່ງໃນດິນແດນຂອງຣັດເຊຍ ການ​ເຄື່ອນ​ໄຫວ​ທີ່​ທ້າ​ທາຍ​ປະ​ເທດ​ຕາ​ເວັນ​ຕົກ​ ທີ່​ອາດຈະເຮັດໃຫ້​ສົງ​ຄາມ​ເພີ່ມ​ຂຶ້ນ​ຢ່າງ​ວ່ອງ​ໄວ ​ແລະ ​ໄດ້​ເຮັດ​ໃຫ້​ມີ​ການ​ກ່າວ​ປະນາມ ​ຈາກ​ຢູ​ເຄຣນ ​ ແລະ ​ພັນທະ​ມິດ​ຝ່າຍ​ຕາ​ເວັນ​ຕົກ ທັ້ງນີ້ພັກ​ຝ່າຍ​ຄ້ານ ​ໂປຣເຄຣມລິນ ​ເຊື່ອ​ວ່າ​ການ​ລົງ​ປະຊາ​ມະຕິ​ໄດ້​ດຳ​ເນີນ​ໄປ​ດ້ວຍ​ການ​ຮັບຮອງ​ຂອງຣັດ​ເຊຍ ຈະເຮັດໃຫ້ການເຄື່ອນໄຫວ​ໃດໆ​ໃນ​ຂົງ​ເຂດ​ເຫຼົ່າ​ນີ້ ​ຈະ​ເປັນ​ການ​ໂຈມ​ຕີ​ທັນທີ​ໃນ​ດິນ​ແດນ​ຂອງ​ມົສກູ.

ລັດຖະມົນຕີະຊວງການຕ່າງປະເທດຂອງຢູເຄຣນ ໃຫ້ສຳພາດກັບສື່ມວນຊົນ ໃນລະຫວ່າງເດີນທາງມາຮ່ວມປະຊຸມທີ່ສະຫະປະຊາຊາດວ່າ “ຣັດເຊຍສາມາດເຮັດໄດ້ທຸກຢ່າງຕາມທີ່ພວກເຂົາຕ້ອງການ” ໃນຕໍ່ມາລາວກໍ່ໄດ້ໂພສທາງອອນລາຍວ່າ “ຢູເຄຣນມີສິດ ໃນການປົດປ່ອຍດິນແດນຕ່າງໆຂອງຕົນເອງ ແລະ ຈະ​ສືບ​ຕໍ່​ປົດ​ປ່ອຍ​ອາ​ນາ​ເຂດ​ເຫຼົ່າ​ນັ້ນ ບໍ່ວ່າຣັດເຊຍຈະເວົ້າຫຍັງກໍຕາມ.”

ທີ່ປຶກສາດ້ານຄວາມໝັ້ນຄົງແຫ່ງຊາດອາເມຣິກາ ລະບຸວ່າ ວໍຊິງຕັນ (ລັດໃນອາເມຣິກາ) ຂໍປະຕິເສດປະຊາມະຕິ ທີ່ບໍ່ຊັດເຈນດັ່ງກ່າວ ໃນຂະນະທີ່ສະຫະພາບເອີຣົບ ແລະ ການາດາ ກໍປະນາມແຜນການຈັດປະຊາມະຕິຄືກັນ.

ຫົວໜ້າຝ່າຍນະໂຍບາຍຕ່າງປະເທດຂອງອີຢູ ບອກວ່າ ທາງກຸ່ມ ແລະ ລັດສະມາຊິກ ຈະບໍ່ຮອງຮັບຜົນຂອງການລົງປະຊາມະຕິ ແລະ ຈະພິຈາລະນາມາດຕະການຕ່າງໆ ເພີ່ມການລົງໂທດໃຫ້ຣັດເຊຍ ຖ້າວ່າຣັດເຊຍຍັງສືບຕໍ່ການລົງປະຊາມະຕິ.

ບັນດາຜູ້ນຳຝ່າຍຣັດເຊຍ ປະກາດການ “​ລົງ​ປະຊາ​ມະຕິ” ລະຫວ່າງວັນທີ 13-17 ກັນຍາ 2022 ທີ່ແຄ້ວນລູຮັນ ແຄ້ວນໂດເນສ ແຄ້ວນເຄີຊອນ ແລະ ແຄ້ວນຊາປໍລິສເຊຍ ເຊິ່ງຄິດເປັນປະມານ 15% ຂອງດິນແດນຢູເຄຣນ.

ບຸກຄົນສຳຄັນ ໃນຝ່າຍຣັດເຊຍ ບາງສ່ວນເຫັນວ່າການຈັດປະຊາມະຕິ ເປັນຄຳຂາດທີ່ຍື່ນເຖິງບັນດາປະເທດຕາເວັນຕົກ ໃຫ້ຍອມຮັບການໄດ້ມາເຊິ່ງດິນແດນ ຂອງຣັດເຊຍ ຫຼື ບໍ່ສະນັ້ນ ກໍສ່ຽງເຮັດສົງຄາມແບບສັດຕູ ທີ່ປະກອບມີອາວຸດນິວເຄຼຍ.

ຢ່າງໃດກໍຕາມ ສະຫະລັດອາເມຣິກາ ແລະ ພັນທະມິດນາໂຕ້ ເຊິ່ງໃຫ້ການສະໜັບສະໜູນດ້ານອາວຸດ ແລະ ອື່ນໆແກ່ຢູເຄຣນ ບອກວ່າການຈັດ “​ລົງ​ປະຊາ​ມະຕິ” ດັ່ງກ່າວຈະບໍ່ມີຄວາມໝາຍໃດໆ.

ເຈົ້າໜ້າທີ່ຝ່າຍຣັດເຊຍ ໃຫ້ຮູ້ວ່າ ການລົງ​ປະຊາ​ມະຕິທັ້ງຫຼາຍນັ້ນ ອາດຈະເປັນການລົງຄະແນນທາງເອເລັກໂທນິກ ທັ້ງນີ້ຣັດເຊຍເຄີຍຈັດປະຊາ​ມະຕິໃນ ໄຄເມຍ ຕັ້ງແຕ່ 8ປີກ່ອນແລ້ວ ກ່ອນ​ທີ່​ຈະ​ປະກາດ​ເອົາ​ດິນແດນ​ຂອງ​ອະດີດ​ຢູ​ເຄຣນ​ເຂົ້າ​ເປັນສ່ວນໜຶ່ງຂອງ​ດິນແດນຢ່າງເປັນ​ທາງ​ການ.

ແຫຼ່ງຂ່າວຈາກ The Washington Post

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...