ສຳນັກຂ່າວຕ່າງປະເທດລາຍງານ ໃນວັນທີ 15 ພະຈິກຜ່ານມານີ້ວ່າ ກໍລະນີເຮືອບິນໂບອິ້ງ 777 ຂອງສາຍການບິນ
ມາເລເຊຍ ແອຣ໌ລາຍ ຖ້ຽວບິນ MH17 ຈາກນະຄອນຫລວງອາມສະເຕີດຳ – ນະຄອນຫລວງກົວລາລຳເປີ ປະສົບ
ອຸບັດເຫດຕົກຢູ່ແຂວງໂດເນດ ທາງພາກຕາເວັນອອກຂອງອູແກຣນ ເມື່ອວັນທີ 17 ກໍລະກົດທີຜ່ານມາ ຈົນເຮັດ
ໃຫ້ມີຜູ້ໂດຍສານ ແລະ ລູກເຮືອເສຍຊີວິດຍົກລຳ ລວມ 298 ຄົນ ນັ້ນ, ລ່າສຸດ ສຳນັກຂ່າວໃນຣັດເຊຍ ໄດ້ເຜີຍແຜ່
ພາບຖ່າຍດາວທຽມ ໃນມື້ວັນສຸກທີ 14 ພະຈິກທີ່ຜ່ານມາ ເຊິ່ງສະແດງໃຫ້ເຫັນວ່າ ໂບອິ້ງ 777 ຂອງສາຍການບິນ
ມາເລເຊຍແອຣ໌ລາຍລຳນີ້ ໄດ້ຖືກຍິງໂດຍເຮືອບິນຂັບໄລ່ ຫາກບໍ່ແມານຂີປະນາວຸດພາກພື້ນດິນ ພ້ອມທັງຍັງອ້າງ
ອີກວ່າ ພາບຖ່າຍດາວທຽມເຫລົ່ານີ້ ໄດ້ມາຈາກດາວທຽມຂອງອັງກິດ ແລະ ສະຫະລັດ ເຊິ່ງສະແດງໃຫ້ເຫັນວ່າ
ເຮືອບິນຖືກຍິງດ້ວຍເຮືອບິນຂັບໄລ່ຂອງກອງທັບອູແກຣນຍິງຕົກ ຫາກບໍ່ແມ່ນຂີປະນາວຸດພາກພື້ນດິນຢ່າງທີ່
ສື່ຕາເວັນຕົກ ໄດ້ພະຍາຍາມສະເໜີມາກ່ອນໜ້ານີ້.