spot_img
Homeຂ່າວພາຍ​ໃນຄຣິດຕິນ່າ, ອຸງ ແລະ ອານິຕ້າ ເຊີນຊວນທຸກຄົນມາທ່ຽວຊົມງານສຸຂະພາບໜຶ່ງດຽວ

ຄຣິດຕິນ່າ, ອຸງ ແລະ ອານິຕ້າ ເຊີນຊວນທຸກຄົນມາທ່ຽວຊົມງານສຸຂະພາບໜຶ່ງດຽວ

Published on

ນາທີນີ້, ຄົງບໍ່ມີໃຜຈະບໍ່ຮູ້ຈັກ ຄຣິດຕິນ່າ ຣາດຊະສິມມາ, Miss Universe Laos 2020, ແລະ Miss Laos 2012, ເຊິ່ງກໍມີຜົນງານໃຫ້ແຟນຄຣັບຕິດຕາມມາຕະຫຼອດ. ຫຼ້າສຸດ, ຄຣິດຕິນ່າ ກໍໄດ້ຮ່ວມທ່ຽວຊົມງານສຸຂະພາບໜຶ່ງດຽວ One Health fair ທີ່ໄດ້ຈັດຂຶ້ນໃນວັນທີ 9-11 ກັນຍານີ້ ທີ່ ໂຮງແຮມຄຣາວພາຊຣາ (Crowne Plaza Vientiane), ນະຄອນຫຼວງວຽງຈັນ ເຊິ່ງທາງທີມງານລາວໂພສກໍໄດ້ຂໍສຳພາດ ຄຣິດຕິນ່າ ຫຼັງຈາກທ່ຽວຊົມງານໃນຄັ້ງນີ້.

ຄຣິດຕິນາ: ດີໃຈທີ່ມີງານແນວນີ້, ເພາະຄ່ອນຂ້າງຈະຫາຍາກ ທີ່ວ່າຈະມີການຮ່ວມເອົາບັນດາບູທວາງສະແດງສິນຄ້າຜະລິດຕະພັນຈາກແຕ່ລະທ່ອງຖິ່ນ, ພ້ອມຍັງໄດ້ຄວາມຮູ້ທີ່ກ່ຽວພັນກັບສຸຂະພາບຂອງຄົນ, ສັດ ແລະ ສິ່ງແວດລ້ອມ ທີ່ມີຄວາມສຳຄັນຕໍ່ການດຳລົງຊີວິດໃນຊີວິດປະຈຳວັນ.

ປະທັບໃຈບູທໃດທີ່ສຸດ? ຄຣິດຕິນາ: ຕື່ນຕາກັບບູທ ຊັອກໂກແລັດ ເພາະມີໂຮງງານຜະລິດຢູ່ລາວ ເຊິ່ງເພິ່ນເປີດມາ 6 ປີ ແລ້ວ.

ສຸດທ້າຍ, ຄຣິດຕິນາ ຢາກເຊີນເຊີນທຸກຄົນມາຮ່ວມງານຄັ້ງນີ້ນຳກັນຫຼາຍໆ ເພາະທຸກຄົນຈະໄດ້ຄວາມຮູ້ກ່ຽວກັບສຸຂະພາບຂອງ ຄົນ, ສັດ ແລະ ສິ່ງແວດລ້ອມ. ພ້ອມທັງມີຈິດຈະກຳທີ່ໜ້ສົນໃຈ ເຊິ່ງວັນທີ 10 ກັນຍາ ກໍຈະມີການແຂ່ງຂັນເຮັດອາຫານນຳອີກ ພາຄອບຄົວ ໝູ່ຄູ່ມາຮ່ວມງານນຳກັນເດີ້. ທຸກຄົນສາມາດຕິດຕາມຜົນງານ ຄຣິດຕິນາໄດ້ ທາງ Facebook, Instagram, TikTok: Christina Lasasimma

ພ້ອມນັ້ນ, ອຸງ ທົດສະພອນ ສິດພະໄຊ ແລະ ອານິຕ້າ ຢາການິກິ ສິນລະປິນຈາກຄ້າຍ First Modeling Lao.

ຮູ້ຈັກງານສຸຂະພາບໜຶ່ງດຽວໄດ້ແນວໃດ? ອຸງ: ພໍດີເຮົາໄດ້ຮັບກຽດຈາກອົງການເພິ່ນ ເພື່ອຊ່ວຍປະຊາສຳພັນ ແລະ ເຊີນຊວນທຸກຄົນໃຫ້ມາຮ່ວມງານຄັ້ງນິ້ ແລະ ໄດ້ເຫັນທາງເຟສບຸກ ແລະ ຮູ້ສຶກວ່າໜ້າສົນໃຈຫຼາຍ.

ຫຼັງຈາກທ່ຽວຊົມງານແລ້ວ ເປັນແນວໃດແດ່? ອຸງ ແລະ ອານິຕ້າ : ຮູ້ສຶກປະທັບໃຈ ແລະ ມີບູທຫຼາຍບູທທີ່ເຮັດໃຫ້ຕື່ນເຕັ້ນ ໂດຍສະເພາະແມ່ນບູທ ທີ່ເພິ່ນຜະລິດຜ້າດ້ວຍໃບໝາກນັດ ເຊິ່ງຖ້າບໍ່ບອກແມ່ນບໍ່ຮູ້ເລີຍ ເພາະມັນຄືພ້າທີ່ເຮົາເຫັນທົ່ວໄປ ເປັນການໃຊ້ສິ່ງຂອງທີ່ຫຼາຍຄົນຖິ້ມ ແຕ່ເພິ່ນເອົາມາເຮັດໃຫ້ເປັນເຄື່ອງໃຊ້ໄດ້ ສຸດຍອດຫຼາຍ.

ແລະ ຢາກເຊີນເຊີນທກຄົນມາຮ່ວມງານຄັ້ງນີ້ນຳກັນຫຼາຍໆ ໂດຍສະເພາະຄົນທີ່ສົນໃຈກ່ຽວກັບຫັດຖະກຳ, ສິນຄ້າຕ່າງໆຂອງລາງເຮົາເອງ ຮັບຮອງເລີຍວ່າ ທຸກຄົນຈະໄດ້ຄວາມຮູ້ ແລະ ຄວາມປະທັບໃຈກັບໄປແນ່ນອນ.

ທຸກຄົນສາມາດຕິດຕາມຜົນງານ ອຸງ ແລະ ອານິຕ້າ ໄດ້ທາງແຟນເພຈ First Modeling Lao ແລະ ທາງເຟຈບຸກຂອງທັງສອງໄດ້ເລີຍ.

ຢ່າພາດມາຮ່ວມງານນຳກັນເດີ້, ງານສຸຂະພາບໜຶ່ງດຽວ One Health fair ໃນວັນທີ 9-11 ກັນຍານີ້ ເວລາ 10 ໂມງເຊົ້າ ຫາ 7 ໂມງແລງ ທີ່ ໂຮງແຮມຄຣາວພາຊຣາ (Crowne Plaza Vientiane), ນະຄອນຫຼວງວຽງຈັນ.

 

ບົດຄວາມຫຼ້າສຸດ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...