ວັນທີ 8 ກັນຍາ 2022 ເກົາຫຼີໃຕ້ຍື່ນຂໍ້ສະເໜີ ໃນການເປີດເຈລະຈາກັບເກົາຫຼີເໜືອ ເພື່ອຫາລືເລື່ອງການເຈລະຈາການຈັດງານ ກິດຈະກຳລວມຍາດຂອງສະມາຊິກໃນຄອບຄົວ ທີ່ຕ້ອງຈາກການໃນຊ່ວງເກ ລະຫວ່າງປີ 1950-1953 ເຊິ່ງເປັນການທາບທາມຄັ້ງທຳອິດທີ່ທ່ານ ຢຸນ ຊອກ ຢອລ ເຂົ້າແຕ່ງຕັ້ງເປັນປະທານາທິບໍດີເກົາຫຼີໃຕ້ໃນເດືອນພຶດສະພາທີ່ຜ່ານມາ.
ລັດຖະມົນຕີກະຊວງລວມຊາດຂອງເກົາຫຼີໃຕ້ ເຊິ່ງຮັບຜິດຊອບເລື່ອງກິດຈະກຳລະຫວ່າງ ສອງເກົາຫຼີ ຖະແຫຼງຂ່າວເພື່ອຍື່ນຂໍ້ສະເໜີໃຫ້ເກົາຫຼີເໜືອ ໂດຍລະບຸວ່າ ລັດຖະບານໂຊລ ຈະພິຈາລະນາເງື່ອນໄຂຄວາມຕ້ອງການຂອງເກົາຫຼີເໜືອ ໃນການກຳນົດວັນທີ ສະຖານທີ່ ວາລະການຫາລື ແລະ ຮູບແບບຂອງການເຈລະຈາ.
ທັງເກົາຫຼີເໜືອ ແລະ ເກົາຫຼີໃຕ້ ມັກຈະມີການເຕົ້າໂຮມກັນໃນຄອບຄົວເພື່ອໃຫ້ສະມາຊິກຄອບຄົວທີ່ແຍກອອກຈາກກັນໄປຢູ່ເກົາຫຼີເໜືອ ແລະ ເກົາຫຼີໃຕ້ ໃນຊ່ວງວັນພັກສຳຄັນ ແຕ່ສ່ວນຫຼາຍແມ່ນຈັດຂຶ້ນຢູ່ໃນເກົາຫຼີໃຕ້ ຍ້ອນພະຍາຍາມຟື້ນຟູການພົວພັນກັບເກົາຫຼີເໜືອ ໂດຍຈະມີງານລ້ຽງອາຫານ ແລະ ແຈກສິ່ງຂອງຕ່າງໆ.
ທັ້ງນີ້ ການຮວມຍາດພີ່ນ້ອງຂອງສອງເກົາຫຼີ ແມ່ນການຄັດເລືອກສະມາຊິກໃນຄອບຄົວດຽວກັນ ທີ່ຖືກແຍກອອກຈາກກັນໃນສົງຄາມເກົາຫຼີ ໂດຍຈັດຂຶ້ນຄັ້ງທໍາອິດໃນປີ 1982 ແລະ ຄັ້ງລ່າສຸດແມ່ນໃນເດືອນສິງຫາ 2018 ຢູ່ທີ່ເກົາຫຼີເໜືອ.
ແຫຼ່ງຂ່າວ ອັລຈາຊີລາ