ກຸງເຕຫະລານ ປະກາດວ່າ ອີຣານ ແລະ ຣັດເຊຍ ຈະເລີ່ມຊື້ຂາຍສະກຸນເງິນຣຽວ ແລະ ຣູເບິນ ຢ່າງເປັນທາງການໃນການເຮັດທຸລະກຳດ້ານອື່ນໆ ເປັນການແລກປ່ຽນສະກຸນເງິນຮ່ວມກັນ ໂດຍຈະຫຼຸດຄ່າເງິນໂດລາສະຫະລັດ.
ອາລີ ຊາເລຮາບາດີ ຜູ້ວ່າການທະນາຄານກາງອີຣານ ລະບຸວ່າ ອີຣານ ແລະ ຣັດເຊຍ ຈະໃຊ້ເງິນ ຣຽວ ແລະ ຣູເບິນ ເພື່ອການຄ້າ ການໃຊ້ເງິນຣຽວໃນການຄ້າກັບປະເທດອື່ນ ເປັນໜຶ່ງໃນວາລະສຳຄັນຂອງລັດຖະບານພາຍໃຕ້ການດຳລົງຕຳແໜ່ງຂອງ ອິບຣາຮິມ ໄຣຊີ ປະທານາທິບໍດີອີຣານ ຫຼັງຈາກເລີ່ມມີການເປີດຊື້ຂາຍໃຊ້ສະກຸນເງິນ ຣຽວ-ຣູເບິນ ໃນຕະຫຼາດແລກປ່ຽນເງິນຕາຕ່າງປະເທດຂອງອີຣານ ໃນຊ່ວງທ້າຍເດືອນກຳລະກົດນີ້.
ຊາເລຮາບາດີ ລະບຸວ່າ ອີຣານ ແລະ ຣັດເຊຍ ໄດ້ເລີ່ມການຊື້ຂາຍໂດຍໃຊ້ຄ່າສະກຸນເງິນດັ່ງກ່າວໃນຕະຫຼາດທະວີພາຄີການຄ້າໃນຈຳນວນໜຶ່ງແລ້ວ ແລະ ຈະຂະຫຍາຍໄປສູ່ການເຮັດທຸລະກຳດ້ານອື່ນໆເພີ່ມອີກ.
ແຫຼ່ງຂ່າວຈາກ Xinhua