ຕຳຫຼວດອົດສະຕຣາລີ ພົບຢາໄອສ ນ້ຳໜັກ 1.800 ກິໂລກຣາມ ໃນຕູ້ຄອນເທນເນີທີ່ທ່າເຮືອຊິດນີ່ ໂດຍຖືກເຊື່ອງຕາມແຜ່ນຫິນອ່ອນ ຄາດວ່າມີມູນຄ່າຫຼາຍກວ່າ 1.6 ພັນລ້ານໂດລາອົດສະຕຣາລີ ຫຼື 1.1 ລ້ານໂດລາສະຫະລັດ ໂດຍມີຊາຍ 3 ຄົນໄດ້ຖືກຈັບວ່າມີສ່ວນໃນການລັກລອບນຳເຂົ້າຢາເສບຕິດຈາກຕະເວັນອອກກາງ, ເຈົ້າໜ້າທີ່ກ່າວວ່າ ກຸ່ມຄົນດັ່ງກ່າວເປັນສ່ວນໜຶ່ງຂອງອົງກອນທີ່ຂະໜາດໃຫຍ່ ມີເຄືອຂ່າຍໃນລະດັບນານາຊາດ ຕຳຫຼວດລັດນິວເຊົ້າເວວ ກ່າວວ່າ ກຸ່ມຄົນພວກນີ້ຊ່ຽວຊານ ແຕ່ເຈົ້າໜ້າທີ່ຍັງບໍ່ເຊື່ອວ່າພວກເຂົາຈະມີຄວາມກ້າໃນການພະຍາຍາມລັກລອບນຳເຂົ້າຢາເສບຕິດຈຳນວນຫຼາຍ ໂດຍທີ່ເຈົ້າໜ້າທີ່ບໍ່ກວດພົບ.
ຕຳຫຼວດກ່າວວ່າ ຢາເສບຕິດທັງໝົດ ມີຕົ້ນທາງມາຈາກທາງພາກຕະເວັນອອກກາງ ໂດຍມີລາຍລະອຽດການຈັດສົ່ງດຽວກັບຢາໄອສ ນ້ຳໜັກ 750 ກິໂລກຣາມ ທີ່ຖືກກວດພົບໃນອາທິດແລ້ວ ແລະ ຕຳຫຼວດໄດ້ຈັບ ຜູ້ຊາຍ 3 ຄົນໃນຂໍ້ຫາຢາເສບຕິດທີ່ພົບເຫັນໃນອາທິດແລ້ວນີ້.
ອົດສະຕຣາລີ ກຳລັງປະເຊີນກັບບັນຫາສຳຄັນທີ່ເອີ້ນວ່າ “ການລະບາດຂອງຢາໄອສ” ໂດຍສະເພາະໃນເຂດຊຸມຊົນ ໂດຍອົດສະຕຣາລີມີລາຍງານການໃຊ້ຢາໄອສຕໍ່ຄົນສູງທີ່ສຸດໃນໂລກ ໂດຍປະມານ 6% ຂອງປະຊາກອນອົດສະຕຣາລີ ຫຼື ປະມານ 1.2 ລ້ານຄົນ ໃຊ້ຢາເສບຕິດປະເພດນີ້.
ແຫຼ່ງຂ່າວຈາກ ຣອຍເຕີ