spot_img
Homeຂ່າວທ້ອງຖິ່ນຄົ້ນເຮືອນພົບຢາບ້າເຊື່ອງໃນກະຕິບເຂົ້າ 200 ກວ່າເມັດ

ຄົ້ນເຮືອນພົບຢາບ້າເຊື່ອງໃນກະຕິບເຂົ້າ 200 ກວ່າເມັດ

Published on

ວັນທີ 30 ກໍລະກົດ 2022 ເຈົ້າຫນ້າທີ່ ປກສ ເມືອງຊໍາໃຕ້ ໄດ້ ອອກກວດກາ ການສັນຈອນ ໄດ້ພົບເຫັນຊາຍທີ່ຖືກສົງໄສ 1 ຄົນ ຈຶ່ງໄດ້ຂໍກວດກາ ໃນເບື້ອງຕົ້ນພົບຢາເສບຕິດ 1 ເມັດ, ຈາກນັ້ນ ຈຶ່ງຂະຫຍາຍຜົນພົບຢາບ້າທີ່ຊຸກເຊື່ອງໃນກະຕິບເຂົ້າຕື່ມ 200 ກວ່າເມັດ.

ເຈົ້າຫນ້າທີ່ ປກສ ເມືອງຊໍາເຫນືອ ແຂວງຫົວພັນ ໃຫ້ຮູ້ວ່າ:

ໃນຂະນະກວດກາການສັນຈອນຢູ່ນັ້ນ ໄດ້ພົບຊາຍຄົນຫນຶ່ງຊາບຊື້ຕາມພາຍຫຼັງ ຄື: ທ້າວ ເສັງມົວ ອາຍຸ 33 ປີ ບ້ານດ່ານໄຊ ເມືອງວຽງໄຊ ແຂວງຫົວພັນ ໄດ້ຂັບຂີ່ລົດຈັກບໍ່ມີທະບຽນ ມາແຕ່ບ້ານພຽງໃຫມ່ ເມືອງຊໍາໃຕ້ ມຸ່ງຫນ້າໄປສູ່ ບ້ານດ່ານໄຊ ເມືອງວຽງໄຊ ແຂວງຫົວພັນ ມາຮອດຈຸດດັ່ງກ່າວ ເຈົ້າຫນ້າທີ່ໄດ້ເຫັນຜູ້ກ່ຽວມີພິລຸດ. ຈາກນັ້ນ, ເຈົ້າຫນ້າທີ່ຈຶ່ງໄດ້ກວດຄົ້ນຕົວຜູ້ກ່ຽວ ຜ່ານການກວດຄົ້ນຂອງ ເຈົ້າຫນ້າທີ່ໃນເບື້ອງຕົ້ນໄດ້ພົບເຫັນຢາບ້າ ຈໍານວນ 1 ເມັດ ທີ່ຊຸກເຊື່ອງໄວ້ຢູ່ໃນກະເປົາພາຍ, ຕໍ່ມາ ເຈົ້າຫນ້າທີ່ຈຶ່ງໄດ້ຈັບຕົວພ້ອມຂອງກາງຈໍານວນດັ່ງກ່າວ ມາສືບສວນ-ສອບສວນ ແລະ ປະສານສົມທົບກັບ ພາກສ່ວນທີ່ກ່ຽວຂ້ອງ.

ມາຮອດເວລາ 8:00 ໂມງຂອງວັນດຽວກັນ, ເຈົ້າຫນ້າຈຶ່ງເຂົ້າໄປກວດຄົ້ນເຮືອນຂອງຜູ້ກ່ຽວ ແລ້ວກວດຄົ້ນພົບເຫັນຂອງກາງ ປະເພດຢາບ້າຕື່ມອີກ ຈໍານວນ 215 ເມັດ ທີ່ຊຸກເຊື່ອງໄວ້ຢູ່ໃນຕິບເຂົ້າຢູ່ໃນເຮືອນຄົວ ແລະ ອຸປະກອນການ ເສບຈໍານວນຫນຶ່ງຢູ່ໃນເຮືອນ ເຈົ້າຫນ້າທີ່ຈຶ່ງໄດ້ນໍາເອົາຂອງກາງ ແລະ ອຸປະກອນການເສບມາທີ່ກອງ ບັນຊາການ ປກສ ເມືອງຊໍາໃຕ້ ເພື່ອສືບສວນ-ສອບສວນຫາຂໍ້ມູນທີ່ໄປທີ່ມາຂອງຢາບ້າຈໍານວນດັ່ງກ່າວ.

ທ້າວ ເສັງມົວ ໄດ້ຮັບສາລະພາບວ່າ ມີຢາບ້າຈໍານວນທັງຫມົດ 216 ເມັດ ແລະ ອຸປະກອນການເສບ ແມ່ນຂອງຜູ້ກ່ຽວແທ້ ໄດ້ຊື້ນໍາບຸກຄົນທີ່ບໍ່ຮູ້ຊື່ມາໄວ້ເພື່ອເສບ ແລະ ຈໍາຫນ່າຍ, ຈາກນັ້ນ ເຈົ້າຫນ້າທີ່ ປກສ ເມືອງຊໍາໃຕ້ ຈຶ່ງໄດ້ນໍາສົ່ງຕົວຜູ້ກ່ຽວພ້ອມທັງເຄື່ອງຂອງກາງໃຫ້ ພະແນກສະກັດກັ້ນ ແລະ ຕ້ານຢາເສບຕິດ ແຂວງຫົວພັນ ດໍາເນີນຄະດີຕໍ່ເພື່ອສືບສວນຫາກຸ່ມແກ້ງຮ່ວມຂະບວນການມາດໍາເນີນຄະດີຕາມລະບຽບ ກົດຫມາຍ.

ແຫຼ່ງຂ່າວຈາກ ຄວາມສະຫງົບ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...