ເຈົ້າໜ້າທີ່ແພດທີ່ກ່ຽວຂ້ອງກັບການຜ່າຕັດເຮັດໝັນຟຣີ ຈາກໂຄງການຂອງລັດຖະບານອິນເດຍ ຖືກຄວບຄຸມຕົວ

ຫລັງມີຍິງອິນເດຍ 13 ຄົນເສຍຊີວິດ ຫລັງເຂົ້າຮັບການບໍລິການ.

ສຳນັກຂ່າວຕ່າງປະເທດລາຍງານ ໃນວັນທີ 14 ພະຈິກນີ້ວ່າ ດຣ ອາເຄ ກັບຕາ ທີ່ກຳລັງລີ້ຊ່ອນຕົວມາຕັ້ງແຕ່ມື້ວັນເສົາ

(8 ພະຈິກ) ທີ່ຜ່ານມາ ໄດ້ຖືກຈັບກຸມຕົວແລ້ວ ທີ່ເຮືອນພັກໃນເມືອງພິລາປຸຣະ ລັດສັດຕິສະຄອນ ພາກກາງຂອງປະ

ເທດອິນເດຍ.

ດຣ. ເອັສເຄ ແມນດັນ ຫົວໜ້າເຈົ້າໜ້າທີ່ແພດຂອງລັດໄດ້ກ່າວວ່າ ທ່ານໝໍ ກັບຕາ ໃຊ້ເວລາພຽງ 6 ຊົ່ວໂມງ ໃນການ

ຜ່າຕັດໃຫ້ຜູ້ເຂົ້າເຮັດໝັນຈຳນວນກ່ວາ 80 ຄົນ ເຊິ່ງເປັນການລະເມີດກົດຂອງໂຄງການ ທີ່ຈຳກັດອັດຕາການໃຫ້ບໍລິ

ການໄດ້ບໍ່ເກີນ 30 ຄົນຕໍ່ມື້, ລ່າສຸດຜ່ານມານີ້ ໄດ້ມີຍິງອິນເດຍທີ່ເຂົ້າຜ່າຕັດດັ່ງກ່າວ ເສຍຊີວິດແລ້ວຢ່າງໜ້ອຍ 13 ຄົນ

ແລະ ອີກ 16 ຄົນ ກຳລັງປິ່ນປົວຢູ່ໂຮງໝໍ.

ຈາກການກວດສອບພົບວ່າ ກຸ່ມຍິງອິນເດຍທີ່ເຂົ້າຮັບການບໍລິການດັ່ງກ່າວນີ້ ໄດ້ຮັບສານປົນເປື້ອນລະຫວ່າງການຜ່າ

ຕັດເຮັດໝັນ ແລະ ຂາດການເບິ່ງແຍງທີ່ດີພໍ ໂດຍທັງນີ້ ທ່ານ ແມນດັນ ໄດ້ບອກອີກວ່າ ທ່ານໝໍ ກັບຕາ ປະຕິບັດງານ

ພາຍໃຕ້ຄວາມກົດດັນ ທີ່ຈະເຮັດໝັນໃຫ້ກັບປະຊາຊົນ ໃນເຂດທີ່ລາວຮັບຜິດຊອບໃຫ້ໄດ້ 15,000 ຄົນ ຕາມທີ່ລັດຖະ

ບານໄດ້ຕັ້ງເປົ້າໝາຍເອົາໄວ້ໃນເບື້ອງຕົ້ນ.