ກະຊວງພລັງງານ ແລະ ບໍ່ແຮ່ ກົມນະໂຍບາຍ ແລະ ແຜນພະລັງງານອອກແຈ້ງການກ່ຽວກັບການກະກຽມເປີດປະຕູນ້ຳ ເຂື່ອນໄຟຟ້ານ້ຳຄານ 2 ແລະ ນໍ້າຄານ 3 ເພື່ອລະບາຍນໍ້ານອງ ໃນວັນທີ 19/8/2022.
ກົມນະໂຍບາຍ ແລະ ແຜນແຈ້ງການ, ກະຊວງພະລັງງານ ແລະ ບໍ່ແຮ່ (ພບ), ອີງຕາມການສະເໜີຂອງ ຫົວໜ້າບໍລິສັດ ຜະລິດ-ໄຟຟ້າ ມະຫາຊົນມີລາຍລະອຽດວ່າ: ໃນວັນທີ 19/08/2022 ທາງເຂື່ອນໄຟຟ້ານໍ້າຄານ 2 ແລະ ນໍ້າຄານ 3 ມີແຜນຈະ ເປີດປະຕູນໍ້ານອງ ເພື່ອລະບາຍນ້ຳ ອອກຈາກອ່າງເກັບນ້ຳຂອງເຂື່ອນ, ເນື່ອງຈາກປັດຈຸບັນລະດັບນໍ້າຂອງເຂື່ອນ ແມ່ນຢູ່ໃນ ລະດັບໃກ້ກັບລະດັບສູງສຸດ ທັງສອງ ໂຄງການ ໂດຍຈະປ່ອຍນໍ້າອອກຕາມປະລິມານນໍ້າໄຫຼເຂົ້າອ່າງ ເລີ່ມແຕ່ວັນທີ 19/08/2022 ຫາ 31/8/2022 ນໍ້າຄານ 2 ປ່ອຍ 103 M3/s ລວມທັງຜ່ານກົງຫັນzະລິດໄຟຟ້າ, ນ້ຳຄານ 3 ປ່ອຍ 155 M3/s ລວມທັງຜ່ານກົງຫັນຜະລິດໄຟຟ້າ ອາດຈະມີການປ່ຽນແປງຕາມສະພາບຕົວຈິງ.
ໂດຍລວມແລ້ວ ທາງ ກົມນະໂຍບາຍ ແລະ ແຜນພະລັງງານ ບໍ່ຄັດຂ້ອງຕໍ່ການສະເຫນີດັ່ງກ່າວ ແຕ່ໃຫ້ເອົາໃຈໃສ່ໃນການ ຫຼຸດຜ່ອນຜົນກະທົບຕໍ່ສັບສິນ ແລະ ຊີວິດຂອງປະຊາຊົນທີ່ຢູ່ຕອນລຸ່ມເຂື່ອນ ທາງ ໂຄງການຕ້ອງຮັບປະກັນວ່າ ການແຈ້ງ ເຕືອນການຮັບຮູ້ ຂອງປະຊາຊົນທີ່ຢູ່ຕອນລຸ່ມຂອງໂຄງການທົ່ວເຖິງ ແລະ ກຽມພ້ອມ ຈຶ່ງເປີດປະຕູນໍ້າ, ພ້ອມກັນນີ້ການເປີດ ປະຕູນໍ້ານອງຈະຕ້ອງມີການວິເຄາະ ໂດຍທຽບໃສ່ ປະລິມານນໍ້າເຂົ້າ ແລະ ບໍລິມາດຂອງອ່າງເກັບນໍ້າໃນປັດຈຸບັນເພື່ອຈໍາກັດ ຜົນກະທົບ ຕໍ່ສິ່ງແວດລ້ອມສັງຄົມ ແລະ ການຜະລິດໃຫ້ຫນ້ອຍເທົ່າທີ່ຈະຫນ້ອຍໄດ້.
