ສະຫະລັດອາເມຣິກາ ແລະ ໄຕ້ຫວັນ ກຽມການເຈລະຈາການຄ້າລະຫວ່າງປະເທດຢ່າງເປັນທາງການ ພ້ອມກ່າວວ່າຈະໃຊ້ທຸກມາດຕະການທີ່ຈຳເປັນເພື່ອປົກປ້ອງອະທິປະໄຕຂອງປະເທດ.
ສຳນັກຂ່າວ CNA ລາຍງານວ່າ: ໄຕ້ຫວັນປະກາດເຈລະຈາທາງການຄ້າຢ່າງເປັນທາງການ ໃນວັນພຸດທີ 17 ສິງຫາ 2022 ທີ່ຜ່ານມາ ໂດຍລະບຸວ່າຈະໃຊ້ທຸກມາດຕະການເພື່ອປັກປ້ອງອະທິປະໄຕ, ຄວາມໝັ້ນຄົງ ແລະ ຜົນປະໂຫຍດຂອງຊາດ.
ການຮ່ວມເຈລະຈາລະຫວ່າງອາເມຣິກາ ແລະ ໄຕ້ຫວັນ ກ່ຽວກັບການຄ້າພາຍໃຕ້ກົດໝາຍໃໝ່ ເປັນການລະບຸຂໍ້ຕົກລົງໂດຍມີຜົນທີ່ມີຄວາມໝາຍທາງເສດຖະກິດ ແລະ ກໍ່ເປັນການຍົກລະດັບການສະໜັບສະໜູນໄຕ້ຫວັນ, ທັງສອງຝ່າຍມີຄວາມເຫັນສອດຄ່ອງກັນ ເລື່ອງຂອບເຂດການເຈລະຈາ ແລະ ຄາດວ່າການເຈລະຈາຮອບທຳອິດຈະເກີດຂຶ້ນໃນທ້າຍເດືອນກັນຍາ ຫາ ທ້າຍເດືອນທັນວາປີນີ້.