ມຽນມາກະກຽມກຳລັງວາງແຜນນຳເຂົ້ານ້ຳມັນເຊື້ອໄຟຈາກຣັດ​ເຊຍ.

ວັນທີ 18 ສິງຫາ 2022 ສຳນັກຂ່າວ ຣອຍເຕີ ໄດ້ລາຍງານວ່າ: ມຽນມາກະກຽມກຳລັງວາງແຜນນຳເຂົ້ານ້ຳມັນ ແອັດ​ຊັງ ​ແລະ ກາ​ຊວນ ຈາກຣັດ​ເຊຍທີ່ມີຄຸນນະພາບ ແລະ ຕົ້ນທຶນຕ່ຳ ທີ່ຈະເລີ່ມໃນເດືອນກັນຍາປີນີ້ ໂດຍ​ເປັນ​ຜົນ​ຈາກ ການ​ເດີນທາງ ​ຢ້ຽມຢາມ ຣັດ​ເຊຍ ຢ່າງ​ເປັນ​ທາງ​ການ ຢູ່​ນະຄອນຫລວງ​ ມົດ​ສະ​ກູ ຂອງ ທ່ານ ພົນ​ເອກ ມິນ​ອ່ອງ​ລາຍ(Min Aung Hlaing).

ມຽນມາຍັງຮັກສາມິດຕະພາບ ແລະ ຄວາມສຳພັນກັບຣັດເຊຍ ເຖິງວ່າທັງສອງຈະຢູ່ພາຍໃຕ້ການຂວ້ຳບາດຈາກບັນດາປະເທດຕະເວັນຕົກ ໂດຍມຽນມານັ້ນ ມາຈາກການລັດຖະປະຫານທີ່ໂຄ່ນລົ້ມລັດຖະບານ ທີ່ມາຈາກການເລືອກຕັ້ງໃນປີກ່ອນ.

ນອກນັ້ນ ຣັດເຊຍຍັງຊອກຫາລູກຄ້າລາຍໃໝ່ ສຳລັບພະລັງງານຂອງຕົນ ເນື່ອງຈາກເອີຣົບທີ່ເປັນປະເທດປາຍທາງສົ່ງອອກລາຍໃຫຍ່ທີ່ສຸດ ຈະຢຸດການນຳເຂົ້ານ້ຳມັນຂອງຣັດເຊຍໃນຊ່ວງທ້າຍປີນີ້.

ວັນ​ທີ 3 ສິງຫາ 2022 ລັດ​ຖະ​ມົນ​ຕີກະຊວງ​ການ​ຕ່າງ​ປະ​ເທດ​ຣັດ​ເຊຍ ທ່ານ Sergei Lavrov ​ເຂົ້າ​ຮ່ວມ​ການ​ພົບ​ປະ​ກັບ​ ທ່ານ ພົນ​ເອກ ມິນ​ອ່ອງ​ລາຍ Min Aung Hlaing ຜູ້​ນຳ​ທະ​ຫານ​ຂອງ​ມຽນ​ມາ ຢູ່​ນະ​ຄອນ​ຫຼວງເນປິດໍ ປະ​ເທດ​ມຽນ​ມາ.

ທັ້ງນີ້ ຣັດເຊຍກໍຍັງເປັນຜູ້ຈັດຫາອາວຸດລາຍໃຫຍ່ຂອງມຽນມາອີກດ້ວຍ.