ພົບລາຍງານກໍລະນີ ການຕິດເຊື້ອໝາກສຸກລີງຈາກຄົນຫາສັດລ້ຽງທີ່ໄດ້ຮັບການຢືນຢັນເປັນຄັ້ງທຳອິດ ໂດຍພົບໃນໂຕໝາ ທີ່ຕິດເຊື້ອຫຼັງຈາກໄດ້ໃກ້ຊິດກັບເຈົ້າຂອງ.
ສຳນັກຂ່າວ ຟັອກສນິວ ລາຍງານວ່າ: ອ້າງອີງຈາກວາລະສານ ແລນເຊດ (Lancet) ວະລະສານການແພດ ພົບວ່າ ໝາ ສາຍພັນ ອິຕາລີ ເກຣຮາ ຂອງຄູ່ຮັກຊາຍ ສັນຊາດຝຣັ່ງ ຄູ່ໜຶ່ງ ກວດພົບເຊື້ອໝາກສຸກລີງ ເຊິ່ງນັບເປັນຄັ້ງທຳອິດຂອງໂລກທີ່ມີການຢືນຢັນການສົ່ງຜ່ານເຊື້ອຊະນິດນີ້ຈາກຄົນໄປສູ່ສັດລ້ຽງ.
ໄດ້ຮັບລາຍງານວ່າ ຄູ່ຮັກນີ້ໄດ້ຕິດເຊື້ອໝາກສຸກລີງຈາກການມີເພດສຳພັນກັບຜູ້ຊາຍຄົນອື່ນ ກ່ອນທີ່ພວກເຂົາຈະພົບຕຸ່ມໜອງເທິງທ້ອງຂອງໝາຂອງພວກເຂົາ, ຫຼັງຈາກນັ້ນພວກເຂົາໄດ້ເອົາໝາໄປກວດ ໃນເວລາຕໍ່ມາຈຶ່ງຢືນຢັນວ່າໝາໂຕນີ້ໄດ້ຕິດເຊື້ອໝາກສຸກລີງແລ້ວ.
ດ້ານສູນຄວບຄຸມ ແລະ ປ້ອງກັນໂຣກ (CDC) ຂອງ ອາເມຣິກາ ເຕືອນວ່າ ມີຄວາມເປັນໄປໄດ້ເຊັ່ນກັນທີ່ຄົນຈະຕິດໝາກສຸກລີງຈາກສັດທີ່ຕິດເຊື້ອ.