ໃນວັນທີ 14 ສິງຫາ 2022 ນີ້, ທິມນັກກິລາ ເຫຼົ່າຮົບສື່ສານ ໄດ້ເຂົ້າຮ່ວມແຂ່ງຂັນ ກີລາການທະຫານສາກົນ 2022 (ແຂ່ງຂັນ ທີ່ ສ ເບລາຣູດ) ໂດຍອິງຕາມຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງ ທີມນັກກິລາ ເຫຼົ່າຮົບສື່ສານ ໄດ້ເຂົ້າຮ່ວມກີລາການທະຫານ ສາກົນ 2022, ເຊີ່ງໄດ້ແຂ່ງຂັນລະຫວ່າງວັນທີ 3-28 ສິງຫາ 2022.
ໃນນີ້, ກະຊວງປ້ອງກັນປະເທດຕົກລົງ ແຕ່ງຕັ້ງນັກສຶກສາທະຫານລາວ ທີ່ກໍາລັງສຶກສາຢູ່ວິທະຍາຄານສື່ສານ ທີ່ ເຊັນປີເຕີສະເບີກ ສະຫະພັນຣັດເຊຍ. ໃນການແຂ່ງຂັນກິລາ ເຫຼົ່າຮົບສື່ສານ ຄັ້ງນີ້ມີ ນັກກິລາເຂົ້າຮ່ວມທັງໝົດ 12 ປະເທດ ໃນນີ້, ທິມນັກກີລາ ເຫຼົ່າຮົບສື່ສານເຂົ້າຮ່ວມແຂ່ງຂັນ 2 ປະເພດກີລາຄື: ປະເພດວິທະຍຸສື່ສານ ແລະ ຜູ້ຊ່ຽວຊານດ້ານໄອທີ.
ສຳລັບໃນການແຂ່ງຂັນຕົວຈິງ ທິມວິທະຍຸສື່ສານ ກອງທັບປະຊາຊົນລາວ ເຊິ່ງຈະໄດ້ແຂ່ງຂັັນ 3 ວັນຄື: ວັນທີ 16 ແມ່ນ ຊອກຫາທີດທາງຈຸດສື່ສານ, ວັນທີ 17 ແມ່ນແຂ່ງຂັນ ຕີມັອກ-ຮັບມັອກ ແມ່ນແຂ່ງເອົາຄວາມໄວ, ວັນທີ 19 ແມ່ນແຂ່ງ ກວດກາທາງວິທະຍຸ. ກອງທັບປະຊາຊົນລາວ ແຂ່ງກັບ ກອງທັບ ຊີເຣຍ ແລະ ນັກກີລາດ້ານໄອທີ ແຂ່ງວັນທີ 20 ແມ່ນ ເສັງຄີດໄລ່ ທີດສະດີ, ວັນທີ 22 ແຂ່ງພາກປະຕິບັດຕົວຈິງ ໃນການຕີດຕັ້ງ ຕໍ່ສາຍໂທລະສັບ ແຂ່ງກັບ ກອງທັບຊູດານ.
ແຫຼ່ງຂ່າວ:Lao National Radio