ເຈົ້າໜ້າທີ່ຈະລາຈອນແຂວງຈຳປາສັກ ໄດ້ຈັບຕົວທ້າວໄຊ ອາຍຸ 35 ປີຢູ່ບ້ານນາຂາມ ເມືອງຊະນະສົມບູນ ແຂວງຈຳປາສັກ
ມາດຳເນີນຄະດີຕາມລະບຽບກົດໝາຍ, ພາຍຫລັງຜູ້ກ່ຽວໄດ້ຂັບລົດກະບະວີໂກ້ສີຂາວຕຳລົດຈັກຢູ່ເສັ້ນທາງເຂດ ບ້ານດົງ
ລານຄຳ ເມືອງຊະນະສົມບູນຢ່າງຮຸນແຮງ ເຮັດໃຫ້ຜູ້ຂັບລົດຈັກຊື່ທ້າວ ໂຈ ອາຍຸ 18 ປີຢູ່ບ້ານໂຢງກາງ ເມືອງຊະນະສົມບູນ
ຟົ້ງໄປຫາງຈາກຈຸດເກີດເຫດຈົນເສຍຊີວິດ, ສ່ວນລົດຈັກແມ່ນເກີດໄຟລຸກໃໝ້ໝົດຄັນ, ຫລັງຈາກເກີດເຫດທ້າວ ໄຊ ໄດ້
ລົງຈາກລົດມາເບິ່ງແຕ່ບໍ່ໃຫ້ການຊ່ວຍເຫລືອໃດໆ ແລະ ຂຶ້ນລົດຂັບໜີໄປ.
ແຕ່ມີພົນລະເມືອງດີສາມາດຖ່າຍຮູບຜູ້ກ່ຽວເອົາໄວ້ໄດ້ຈຶ່ງເປັນຫລັກຖານ ສຳຄັນໃຫ້ແກ່ເຈົ້າໜ້າທີ່ໃນການຕິດຕາມ ແລະ
ມື້ຕໍ່ມາກໍສາມາດຈັບຕົວຜູ້ຂັບລົດໃຫຍ່ຄັນດັ່ງກ່າວມາດຳເນີນຄະດີໄດ້.
ແຫລ່ງຂ່າວ: ລາວພັດທະນາ