ໃນວັນຈັນ ທີ 8 ສິງຫາ 2022 ປະທານາທິບໍດີ ໂຈ ໄບເດັນ ຂອງສະຫະລັດດອາເມຣິກາໄດ້ເປີດເຜີຍວ່າ: ອາເມຣິກາໄດ້ຈັດສັນການຊ່ວຍເຫຼືອດ້ານການທະຫານໃຫ້ແກ່ຢູເຄຣນເພີ່ມອີກ 1 ພັນລ້ານໂດລາ, ເຊິ່ງສົ່ງຜົນໃຫ້ຍອດລວມ ທີ່ສະຫະລັດອາເມຣິກາຊ່ວຍເຫຼືອຢູເຄຣນທັງໝົດນັ້ນຫຼາຍກວ່າ 9 ພັນລ້ານໂດລາ.
Colin Kahl ລັດຖະມົນຕີກະຊວງປ້ອງກັນປະເທດ ຂອງອາເມຣິກາ ໄດ້ກ່າວວ່າ ຕັ້ງໃຈທີ່ຈະໃຫ້ຄວາມຊ່ວຍເຫຼືອດ້ານການທະຫານໃຫ້ກັບຢູເຄຣນຢ່າງຕໍ່ເນື່ອງ ໃນຂະນະດຽວກັນຢູເຄຣນກໍພ້ອມທີ່ຈະຕໍ່ສູ້ເພື່ອຕ້ານການຮຸກຮານ.
ຄວາມຊ່ວຍເຫຼືອຄັ້ງໃໝ່ໃນຢູເຄຣນນີ້ ປະກອບດ້ວຍການຈັດຫາລູກປືນ, ອາວຸດ ແລະ ລະເບີດ.
ທ່ານ Kahl ຍັງກ່າວຕື່ມວ່າ ຣັດເຊຍຍັງໄດ້ເຂົ້າຍຶດຄອງດິນແດນເຂດຕະເວັນອອກຂອງຢູເຄຣນ ເຖິງແມ່ນວ່າກອງທັບຣັດເຊຍຈະໄດ້ຮັບຜົນກະທົບຢ່າງໜັກ ເນື່ອງຈາກການປະຕິບັດການທາງທະຫານຂອງຢູເຄຣນ ແລະ ຄວາມຊ່ວຍເຫຼືອທີ່ຢູເຄຣນໄດ້ຮັບ.
ນອກນີ້ ມີການຄາດການວ່າທະຫານຣັດເຊຍໄດ້ຮັບບາດເຈັບ ແລະ ເສຍຊີວິດໃນຢູເຄຣນປະມານ 70.000-80.000 ຄົນ.
ແຫຼ່ງຂ່າວຈາກ CNBC