ໃນວັນທີ 5 ສິງຫາ 2022 ນີ້.ຫ້ອງເສນາທິການທະຫານແຂວງ ສະຫວັນນະເຂດ ໄດ້ຈັດພິທີສອບເສັງວິຊາ ພາກການທະຫານຢູ່ທີ່ ສະໜາມຍິງປືນ ທະຫານແຂວງ, ໂດຍການເປັນປະທານຂອງ ສະຫາຍ ພັນໂທ ພັນວິໄລ ລາດສະຍົນ ຫົວໜ້າຫ້ອງເສນາທິການ ທະຫານແຂວງສະຫັວນນະເຂດ, ເຂົ້າຮ່ວມມີ ສະຫາຍ ພັນໂທ ບົວສອນ ແສງສະຫວ່າງ ຮອງຫົວໜ້າ ກອງບັນຊາການ ປກສ ແຂວງພ້ອມຄະນະ ແລະ ສະຫະພັນກິລາຍິງປືນແຂວງ ພ້ອມ ບັນດາສະຫາຍຄະນະຫ້ອງ, ຈາກອົງການ 5 ຫ້ອງ, ຄະນະຄູ-ອາຈານ, ຕະຫຼອດຮອດແຂກຖືກເຊີນເຂົ້າຮ່ວມ.

ໃນພິທີຍັງໄດ້ຮັບຊົມການສະແດງວິຊາລະບຽບຮູບແຖວ ຂອງກອງທັບຂັ້ນກອງພັນ, ຂັ້ນໝູ່ ແລະ ສອບເສັງຍິງລູກປືນແທ້ທ່າສະໝານ 3 ຂັ້ນ, ໂດຍໄດ້ແບ່ງເປັນໝູ່ແລະແຂ່ງຂັນກິລາຍິງປືນອາຊຽນປະເພດປືນຍາວໄລຍະ 100 ແມັດ.

ໃນໂອກາດນີ້ ຄະນະສະຫະພັນກິລາຍິງປືນແຂວງຍັງໄດ້ມອບເງິນອຸປະຖຳຈຳນວນ 500.000ກີບ ພ້ອມນໍ້າດື່ມ 3 ແກັດ, ເຊິ່ງໃນນັ້ນການແຂ່ງຂັນແມ່ນໄດ້ດຳເນີນໄປເປັນເວລາເຄິ່ງວັນຈິ່ງສຳເລັດ ສ່ວນຜົນຂອງການແຂ່ງຂັນໄດ້ສະແດງອອກຄື: ລະບຽບຮູບແຖວບັນລຸໄດ້85%, ວິຊາສີລະປະຍຸດບັນລຸໄດ້ 85%, ພາກຍຸດທະວິທີບັນລຸໄດ້ 80%. ປະເພດກິລາຍິງປືນອາຊຽນ ປະເພດເກັ່ງມີ 01ທີມ,ກາງມີ 9 ທີມ ແລະນອກນັ້ນແມ່ນໄດ້ຕາມລະດັບຄາດໝາຍ.

ແຫຼ່ງຂ່າວ: MediaLAOS