ຈີນປະກາດດຳເນີນການຊ້ອມຮົບຕໍ່ໃນທະເລເຫຼືອງ ແລະ ທະເລປໍໄຫ່ ແລະ ຈະຊ້ອມຮົບໃນທະເລທາງຕະເວັນອອກຂອງເສັ້ນກາງໃນຊ່ອງແຄບໄຕ້ຫວັນເປັນປົກກະຕິ.
ວັນທີ 7 ສິງຫາ 2022 ສຳນັກຂ່າວ ບີບີຊີ ໄດ້ລາຍວ່າ ກອງທັບເຮືອຂອງຈີນປະກາດວ່າ ຈະເລີ່ມການເຝິກຊ້ອມທາງທະຫານຄັ້ງໃໝ່ ບໍລິເວນທະເລເຫຼືອງ ແລະ ທະເລປໍໄຫ່ ໃນຂະນະທີ່ການຊ້ອມຮົບຄັ້ງໃຫຍ່ 6 ຈຸດຮອບເກາະໄຕ້ຫວັນ ເຊິ່ງເກີດຂຶ້ນເພື່ອຕອບໂຕ້ໃນການເດີນທາງຂອງປະທານສະພາສະຫະລັດອາເມຣິກາ ໃນອາທິດແລ້ວນີ້.
ຕາມການເປີດເຜີຍຂອງທາງການຈີນ ການຊ້ອມຮົບໃນທະເລເຫຼືອງ ເຊິ່ງຕັ້ງລະຫວ່າງຈີນກັບແຫຼມເກົາຫຼີ ທີ່ຈະເປັນການເຝິກຊ້ອມທາງທະຫານປະຈຳວັນ ເລີ່ມຕັ້ງແຕ່ວັນເສົາທີ 6 ສິງຫາ ຫາກາງເດືອນສິງຫາ ເຊິ່ງຈະລວມເຖິງການຊ້ອມຍິງລູກປືນແທ້ ແລະ ຈະມີການເຝິກຊ້ອມທາງທະຫານທີ່ທະເລປໍໄຫ່ ບໍລິເວນແຄມຝັ່ງທະເລຕະເວັນອອກຂອງຈີນ ເລີ່ມຕັ້ງແຕ່ວັນເສົາຜ່ານມານີ້ ເປັນເວລາ 1 ເດືອນ.
ໃນນັ້ນ ການຊ້ອມຮົບຮອບເກາະໄຕ້ຫວັນ 6 ຈຸດ ມີການກຳນົດສິ້ນສຸດໃນວັນທີ 7 ສິງຫາທີ່ຜ່ານມາ ແຕ່ທັງຈີນ ແລະ ໄຕ້ຫວັນຍັງບໍ່ມີການຢືນຢັນວ່າຊ້ອມຮົບຈົບລົງແລ້ວຫຼືບໍ່.