ກົມຄວບຄຸມພະຍາດໃນໄທ ລາຍງານວ່າ ພົບຜູ້ຕິດເຊື້ອໝາກສຸກລີງ ຫຼື ຝີດາດລີງ ກໍລະນີທີ່ 4 ໃນປະເທດໄທ ສ່ຽງໃກ້ຊິດກັບຜູ້ອື່ນ ແລະ ສະຖານທີ່ບັນເທີງ.
ວັນທີ 5 ສິງຫາ ກໍລະກົດ 2022 ກົມຄວບຄຸມພະຍາດຂອງໄທ ເຮັດໃຫ້ຮູ້ວ່າ: ໄດ້ຮັບລາຍງານພົບຜູ້ຕິດເຊື້ອຝີດາດລີງ ກໍລະນີທີ່ 4 ຂອງປະເທດໄທ ອາຍຸ 22 ປີ ມີປະຫວັດທ່ຽວສະຖານທີ່ບັນເທີງ ໃນກຸງເທບ ເປັນປະຈຳ ແລະ ມີການສຳພັດໃກ້ຊິດກັບຜູ້ອື່ນ.
ຜູ້ຕິດເຊື້ອເລີ່ມມີໄຂ້ ຕັ້ງແຕ່ວັນທີ 29 ກໍລະກົດ 2022 ແຕ່ຍັງໄປທ່ຽວສະຖານທີ່ບັນເທີງ ມາວັນທີ 30 ກໍລະກົດ ເລີ່ມມີຕຸ່ມຕາມແຂນຂາ ແລ້ວລາມໄປຕາມຮ່າງກາຍ ວັນທີ 3 ສິງຫາ ຈຶ່ງເດີນທາງເຂົ້າຮັບການຮັກສາໃນໂຮງໝໍ ແລະ ກວດຜົນຈາກຈາກກະຊວງສາທາລະນະສຸກ ມາວັນທີ 4 ສິງຫາ ຈຶ່ງຢືນຢັນວ່າພົບເຊື້ອໝາກສຸກລີງ.
ຜູ້ຕິດເຊື້ອເປັນຜູ້ຍິງ ອາຍຸ 22 ປີ ຈາກປະເທດໄນຈີເລຍ ເປັນຜູ້ຍິງຄົນທຳອິດໃນປະເທດໄທ ທີ່ພົບວ່າຕິດເຊື້ອໝາກສຸກລີງ.
ດ້ານສະຖານະການພະຍາດໝາກສຸກລີງໃນທົ່ວໂລກ ໃນວັນທີ 4 ສິງຫາ 2022 ຜູ້ຕິດເຊື້ອຝີດາດລີງທົ່ວໂລກມີ 26.208 ຄົນ ຢືນຢັນວ່າພົບແລ້ວໃນ 83 ປະເທດ.