spot_img
Homeຂ່າວການຢ້ຽມຢາມນາຍົກລັດຖະມົນຕີແຫ່ງ ສປປ ລາວ ພ້ອມຄະນະເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງບໍ່ແກ້ວ

ນາຍົກລັດຖະມົນຕີແຫ່ງ ສປປ ລາວ ພ້ອມຄະນະເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງບໍ່ແກ້ວ

Published on

ປອ ບົວຄົງ ນາມມະວົງ ເຈົ້າແຂວງໆບໍ່ແກ້ວ ພ້ອມຄະນະການນໍາຂອງແຂວງ ໄດ້ໃຫ້ ການຕ້ອນຮັບ ພະນະທ່ານ ພັນຄຳ ວິພາວັນ ນາຍົກລັດຖະມົນຕີແຫ່ງ ສປປ ລາວ ພ້ອມຄະນະ ທີ່ມາເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງບໍ່ແກ້ວ ໃນວັນທີ 4 ສິງຫານີ້ ທີ່ເດີນບີນກົມການເມືອງແຂວງບໍ່ແກ້ວ

ຈາກນັ້ນ ພະນະທ່ານ ພັນຄຳ ວິພາວັນ ນາຍົກລັດຖະມົນຕີແຫ່ງ ສປປ ລາວ ໄດ້ພົບປະໂອ້ລົມຄະນະບໍລິຫານງານພັກແຂວງ, ຫົວໜ້າ – ຮອງຫົວໜ້າພະແນກ ການ, ສະພາປະຊາຊົນ, ກົມກອງ, ຂະແໜງການ, ອົງການອ້ອມຂ້າງແຂວງ, ຄະນະບໍລິຫານງານພັກເມືອງຫ້ວຍຊາຍ, ພະນັກງານອາວຸໂສບຳນານ ແລະ ນາຍບ້ານ ຢູ່ທີ່ສະໂມສອນໃຫຍ່ຂອງແຂວງ ພະນະທ່ານ ພັນຄຳ ວິພາວັນ ໄດ້ໂອ້ລົມວ່າ: ໃນຕໍ່ໜ້ານີ້ການເຄື່ອນໄຫວເຮັດວຽກທຸກຢ່າງແມ່ນໄດ້ມອບຄວາມຮັບຜິດຊອບ ລະຫວ່າງ ແຂວງ ກັບ ບັນດາກະຊວງເປັນທີ່ລະອຽດແລ້ວ ຄະນະລັດຖະບານຈະບໍ່ໄດ້ແຕ່ງຕັ້ງມີຄະນະສະເພາະເພື່ອແກ້ໄຂບັນຫາຕ່າງໆທີ່ເກີດຂື້ນຄືຜ່ານໆມາອີກ, ໃຫ້ການນຳຂອງພະແນກການ, ກົມກອງ ແລະ ເມືອງ ຈົ່ງເປັນເຈົ້າການຍົກລະດັບການແກ້ໄຂຄວາມຫຍຸ້ງຍາກດ້ານເສດຖະກິດ – ການເງິນ ໃຫ້ເປັນວາ ລະແຫ່ງຊາດ ຕິດພັນກັບການແກ້ໄຂບັນຫາຢາເສບຕິດ, ການແກ້ໄຂການລະບາດຂອງພະຍາດຕິດຕໍ່ ເພື່ອໃຫ້ປະຊາຊົນລາວບັນດາເຜົ່າສາມາດດໍາລົງຊີວິດຢູ່ຮ່ວມກັບພະຍາດໂຄວິດໄດ້, ການທໍາມາຫາກິນຕ້ອງໃຫ້ດຸນດຽງຕາມມາດຕະການດ້ານການແພດໃຫ້ປະຊາຊົນສາມາດເຂົ້າເຖິງການບໍລິການປິ່ນປົວຢ່າງທົ່ວເຖິງ, ມາດຕະການດ້ານເສດຖະກິດເຮັດໃຫ້ຜູ້ວ້າງງານຕ້ອງໄດ້ທຳມາຫາກິນກຸ້ມຕົນເອງ,

ໃນເມື່ອເກີດມີຄວາມຫຍຸ້ງຍາກຄະນະການນໍາທຸກຂັ້ນ ຕ້ອງມີຄວາມສາມັກຄີ ເພື່ອແກ້ໄຂບັນຫາດັ່ງກ່າວໃຫ້ເຄື່ອນໄຫວໄດ້ດີ, ຂຸດຄົ້ນເອົາທ່າແຮງບົມຊ້ອນຂອງແຂວງ ເພື່ອພ້ອມກັນລົງຈັດຕັ້ງປະຕິບັດພັດທະນາໃຫ້ສາມາດນໍາເອົາເງິນຕາຕ່າງປະເທດເຂົ້າມາພັດທະນາບ້ານເມືອງ, ປັບປຸງນິດໄສຂີ້ຄ້ານມັກງ່າຍຍາດແຍງເຄື່ອນໄຫວໄປນໍາດ້ານເສດຖະກິດ, ສືບຕໍ່ເອົາໃຈໃສ່ຊຸກຍູ້, ສົ່ງເສີມການປູກ – ການລ້ຽງ ເພື່ອເປັນສິນຄ້າສ້າງລາຍຮັບແກ່ຄອບຄົວ, ແກ້ໄຂບັນຫາຂາດເຂີນນໍ້າມັນ, ອັດຕາເງິນເຟີ້ໃຫ້ເຂົ້າສູ່ສະພາບປົກກະຕິ, ບໍ່ໃຫ້ປະຊາຊົນນ້ອຍໃຈໃນການໂຈະສະໜາມບິນຫ້ວຍຊາຍ ໃຫ້ພູມໃຈທີ່ໄດ້ສະໜາມບິນສາກົນບໍ່ແກ້ວ, ໃຫ້ທຸກຄົນໃນສັງຄົມມີຄວາມຮັບຮູ້, ເຂົ້າໃຈ ແລະ ເຫັນໃຈໃນການພະຍາຍາມແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ – ການເງິນຂອງລັດຖະບານໃນປັດຈຸບັນ ເພື່ອໃຫ້ການສະໜັບສະໜູນ, ຊຸກຍູ້ຊ່ວຍເຫຼືອລັດຖະບານ, ອົງການປົກຄອງແຂວງດຳເນີນການປະຕິບັດ 2 ວາລະແຫ່ງຊາດໃຫ້ໄດ້ຕາມຄາດໝາຍ, ປັບປຸງແຜນການພັດທະນາເສດຖະກິດ – ສັງຄົມຂອງແຂວງໃນສະພາບຈຳກັດ ໃຫ້ເຊື່ອມໂຍງກັບສາກົນດ້ວຍທາງບົກ, ທາງນ້ຳ ແລະ ທາງອາກາດ ໂດຍສະເພາະແມ່ນການພັດທະນາຊັບພະຍາກອນມະນຸດ ໃຫ້ຖືກຕ້ອງຕາມມະຕິກອງປະຊຸມໃຫຍ່ຂອງອົງຄະນະພັກແຂວງໄດ້ກຳນົດເປັນແຕ່ລະໄລຍະ.

ມາໃນຕອນແລງພະນະທ່ານ ພັນຄຳ ວິພາວັນ ນາຍົກລັດຖະມົນຕີແຫ່ງ ສປປ ລາວແມ່ນໄດ້ພົບປະກັບຄະນະເຂດເສດຖະກິດພິເສດສາມຫຼ່ຽມຄໍາ ໂດຍມີ ທ່ານ ຈ່າວເວີຍ ປະທານ ເຂດເສດຖະກິດພິເສດສາມຫຼ່ຽມຄໍາ, ພ້ອມທັງຮັບຟັງການລາຍສະພາບການພັດທະນາເຂດເສດຖະກິດພິເສດສາມຫຼ່ຽມຄໍາ, ພະນະທ່ານ ນາຍົກ ໄດ້ເວົ້າວ່າ: ເຂດເສດຖະກິດພິເສດສາມຫຼ່ຽມຄໍາ ແມ່ນການພັດທະນາແບບຄົບວົງຈອນ ສະນັ້ນ ຕ້ອງສ້າງໃຫ້ມີນິຕິກໍາຄຸ້ມຄອງໂດຍສະເພາະພາຍໃນ. ຈາກນັ້ນ ທ່ານ ພະນະທ່ານນາຍົກ ພ້ອມດ້ວຍຄະນະ ແມ່ນໄດ້ເດີນທາງທ່ຽວຊົມຊຸກຍູ້ການປູກໝາກພຸກຂອງບໍໍລີສັດ ຕິ່ງຕາລີ່ ຢູ່ເຂດທົ່ງພ້າວຫ້າວ ດ່ານຖີ່ນ, ທ່ຽວຊົມຟາມລຽ້ງງົວຢູ່ປາກຮາວໃຕ້, ການລ້ຽງປາໃນຮົ່ມ ແລະ ຈຸດການກໍສ້າງສວນສາທາລະນະໜອງຖານ ໃນນັ້ນ ພະນະທ່ານ ນາຍົກ ແມ່ນໄດ້ຮັບຟັງການລາຍງານສະພາບຄວາມຫຍຸ້ງຍາກ ແລະ ຂໍ້ສະເໜີຕ່າງໆ ຈາກນັ້ນ ພະນະທ່ານ ນາຍົກ ລັດຖະມົນຕີແຫ່ງ ສ ປປລາວ ພະນະທ່ານ ພັນຄຳ ວິພາວັນ ແມ່ນໄດ້ໃຫ້ທິດຊີ້ນໍາ, ແກ້ຂໍ້ຂ້ອງໃຈ ພ້ອມກັນສ້າງເສດຖະກິດ, ການຜະລິດສົ່ງອອກໃຫ້ຫຼາຍ ເພື່ອໃຫ້ແຂວງບໍ່ແກ້ວມີທ່າແຮງທາງດ້ານເສດຖະກິດທີ່ເຂັ້ມແຂງ, ພື້ນຖານໂຄງລ່າງໃຫ້ມີການພັດທະນາເທື່ອລະກ້າວ. ມາໃນຕອນເຊົ້າຂອງວັນທີ 5 ສິງຫາ 2022 ພະນະທ່ານ ພັນຄຳ ວິພາວັນ ນາຍົກລັດຖະມົນຕີແຫ່ງ ສ ປປ ລາວ ພ້ອມຄະນະ ແມ່ນສຳເລັດການເຮັດວຽກຢູ່ແຂວງບໍ່ແກ້ວ ແລະ ກັບຄືນສູ່ນະຄອນ ຫວຼງວຽງຈັນດ້ວຍຄວາມສະຫວັດດີພາບ.

ຂ່າວ-ພາບ: ຄໍາໄຕ ສີສະຫວ່າງ – ຄຳໄຊ ລີໄຊມົວຕູ້

ບົດຄວາມຫຼ້າສຸດ

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...