ກົມຕຳຫລວດມຽນມ້າເປີດເຜີຍ ເຈົ້າໜ້າທີ່ຮັກສາຄວາມປອດໄພຂອງສະຫະລັດ ຫລາຍກ່ວາ 400 ຄົນ ເຂົ້າມາ
ເຮັດໜ້າທີ່ອາລັກຂາ ບາຣັກ ໂອບາມາ ຢ້ຽມຢາມນະຄອນຢາງກຸ້ງ.
ສຳນັກຂ່າວຕ່າງປະເທດລາຍງານວ່າ ທ່ານ ບາຣັກ ໂອບາມາ ຜູ້ນຳຂອງສະຫະລັດ ຈະເດີນທາງມາຢ້ຽມຢາມນະຄອນ
ຢາງກຸ້ງ ສາທາລະນະລັດ ແຫ່ງສະຫະພາບມຽນມ້າ ໃນວັນທີ 14 ພະຈິກນີ້ ຫລັງຈາກເຂົ້າຮ່ວມກອງປະຊຸມສຸດຍອດ
ອາຊຽນ ໃນນະຄອນຫລວງເນປິດໍ.
ເຈົ້າໜ້າທີ່ຕຳຫລວດລະດັບສູງຂອງມຽນມ້າໄດ້ລະບຸວ່າ ມີເຈົ້າໜ້າທີ່ຮັກສາຄວາມປອດໄພຂອງສະຫະລັດ ຫລາຍ
ກ່ວາ 400 ຄົນ ຈະເດີນທາງມາພ້ອມກັບປະທານາທິບໍດີ ບາຣັກ ໂອບາມາ ດ້ວຍເຫດຜົນດ້ານຄວາມປອດໄພ ໂດຍ
ເຈົ້າໜ້າທີ່ດັ່ງກ່າວ ຈະດຳເນີນມາດຕະການດ້ານຄວາມປອດໄພ ໃນສະຖານທີ່ເຊິ່ງຜູ້ນຳຂອງສະຫະລັດເດີນທາງໄປ
ຢ້ຽມຢາມໂດຍມີເຈົ້າໜ້າທີ່ຕຳຫລວດມຽນມ້າໃຫ້ຄວາມຊ່ວຍເຫລືອ.
ເຈົ້າໜ້າທີ່ຕຳຫລວດໃນນະຄອນຢາງກຸ້ງໄດ້ລະບຸວ່າ ກົມຕຳຫລວດມຽນມ້າ ໄດ້ລະດົມເຈົ້າໜ້າທີ່ຕຳຫລວດຫຼາຍ
ກ່ວາ 1000 ຄົນ ປະຈຳຕາມເສັ້ນທາງຕ່າງໆ ທີ່ຜູ້ນຳຂອງສະຫະລັດຈະເດີນທາງໃນນະຄອນຢາງກຸ້ງ ໂດຍຈະນຳໃຊ້
ມາດຕະການດ້ານຄວາມປອດໄພຢ່າງເຂັ້ມງວດ ເນື່ອງຈາກເສັ້ນທາງອາດມີການປ່ຽນແປງໄດ້ໃນທຸກເວລາ.