ອົງການອະວະກາດເອີຣົບຖະແຫລງ ສາມາດນຳຍານສຳຫລວດອະວະກາດຟີເລ ລົງຈອດເທິງດາວຫາງໄດ້ສຳ

ເລັດ ເປັນຄັ້ງທຳອິດໃນປະຫວັດສາດ ຫລັງເດີນທາງມາໄດ້ດົນນານນັບສິບປີ.

ສຳນັກຂ່າວຕ່າງປະເທດລາຍງານ ໃນວັນທີ 13 ພະຈິກນີ້ວ່າ ຍານສຳຫລວດຟີເລ ໄດ້ລົງຈອດເທິງດາວຫາງ 67P

ໄດ້ຢ່າງປອດໄພແລ້ວ ຫລັງຈາກປ່ອຍອອກຈາກຍານ ໂຣ ເຊດຕາ ເຊິ່ງນັບເປັນຄັ້ງງທຳອິດໃນປະຫວັດສາດ ທີ່ມີ

ການສົ່ງຍານສຳຫລວດອະວະກາດໄປລົງຈອດເທິງດາວຫາງ ໂດຍຍານ ຟີເລ ໄດ້ສົ່ງສັນຍານກັບຄືນມາຍັງສູນປະ

ຕິບັດການລົງຈອດທາງພາກພື້ນດິນໄດ້ສຳເລັດ.

ດາວຫາງ 67P ມີຄວາມກວ້າງປະມານ 4 ກິໂລແມັດ ໂດຍມີລັກສະນະເປັນ 2 ສ່ວນເຊື່ອມຈອດກັນ ເຊິ່ງສ່ວນທີ

ໜຶ່ງມີລັກສະນະນ້ອຍກ່ວາ ແລະ ອີກສ່ວນໜຶ່ງໃຫຍ່ກ່ວາ ເບິ່ງຄ້າຍຄືກັນກັບຕຸກກະຕາເປັດ ໂດຍຈຸດທີ່ຍານຟີ

ເລລົງຈອດນັ້ນ ເປັນພື້ນທີ່ຮູບໄຂ່ເຊິ່ງຄ້າຍຄືກັນກັບບໍລິເວນໜ້າຜາກຂອງຕຸກກະຕາເປັດຢາງ, ການລົງຈອດ

ໃນຄັ້ງນີ້ ນັບເປັນຄັ້ງທຳອິດໃນປະຫວັດສາດ ຫລັງຈາກທີ່ຍານດັ່ງກ່າວ ໄດ້ເດີນທາງນັບ 10 ປີ ເພື່ອໄລ່ລ່າຊອກ

ຫາດາວຫາງ 67P ໂດຍສຳລັບພາລະກິດດັ່ງກ່າວ ຍານຟີເລ ຈະທຳການເກັບຕົວຢ່າງຝຸ່ນ ແລະ ແກ໊ສເທິງດາວ

ຫາງ 67P ເພື່ອນຳຂໍ້ມູນກັບຄືນມາວິເຄາະ ໂດຍຫວັງວ່າຈະສາມາດໄຂຄວາມລັບ ເຖິງການກຳເນີດສິ່ງທຳມະ

ຊາດ ແລະ ສິ່ງທີ່ມ່ີຊີວິດຕ່າງໆຂອງໂລກ ແລະ ດາວເຄາະດວງອື່ນໆໄດ້.