ໃນວັນທີ 28 ກໍລະກົດທີ່ຜ່ານມາ ທ່ານ ອານຸທິນ ຊານວີລະກູນ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງສາທາລະນະສຸກ ເປີດເຜີຍວ່າ: ໄດ້ຮັບລາຍງານຈາກອາທິບໍດີກົມຄວບຄຸມໂຣກ ໄດ້ມີການກວດຫາເຊື້ອພະຍາດໝາກສຸກລີງ ໂດຍກົມວິທະຍາສາດການແພດໄດ້ກວດໃນທາງຫ້ອງປະຕິບັດການຍືນຍັນພົບຜູ້ປ່ວຍໝາກສຸລີງກໍລະນີທີ 2 ຈາກໂຮງໝໍ ວະຊີລະ ກຸງເທບມະຫານະຄອນ.
ສຳລັບຜູ້ປ່ວຍລາຍທີ 2 ນີ້ເປັນຊາຍຊາວໄທ ອາຍຸ 47 ປີ ທີ່ມີທາມລາຍການມີເພດສຳພັນກັບຄົນຕ່າງຊາດ ເພດຊາຍ ມີການໜ້າສົງໃສວ່າຕົນເອງປ່ວຍຕັ້ງແຕ່ວັນທີ 12 ກໍລະກົດ 2022 ຈາກນັ້ນ 2 ມື້ຕໍ່ມາກໍເລີ່ມມີໄຂ້ ປວດຕາມຕົນໂຕ ມີຕ່ອມນ້ຳເຫຼືອງຂຶ້ນ ແລະ 1 ອາທິດຕໍ່ມາມີຜືນຂຶ້ນທີ່ອະໄວຍະວະເພດ, ຕາມລຳຕົວ, ໃບໜ້າ, ແຂນຂາ ຈຶຶ່ງເຂົ້າໄປກວດທີ່ໂຮງໝໍ ຕ້ອງໄດ້ຕິດຕາມອາການເຖິງ 21 ມື້.
ດ້ານທ່ານ ໂອພາສ ການວິນພົງ ອະທິບໍດີກົວຄວບຄຸມໂຣກ ກ່າວເພີ່ມເຕີມວ່າ: ສຳລັບຊາຍດັ່ງກ່າວ ມີປະວັດອາໃສຢູ່ໃນພຶ້ນທີ່ກຸງເທບມະຫານະຄອນ ໂດຍການສອບຖາມເບື້ອງຕົ້ນພົບວ່າມີການສຳພັດໃກ້ຊິດລວມ 10 ບ້ານ ຂະນະນີ້ຢູ່ໃນລະຫວ່າງການກວດຫາເຊື້ອ.
ແຫຼ່ງຂໍ້ມູນ: ຂ່າວສົດອອນລາຍ