spot_img
Homeຂ່າວການຮ່ວມມືລາວ-ຫວຽດນາມ ສືບຕໍ່ເສີມຂະຫຍາຍ ການຮ່ວມມືດ້ານ ເຕັກໂນໂລຊີ ແລະ ນະວັດຕະກໍາ

ລາວ-ຫວຽດນາມ ສືບຕໍ່ເສີມຂະຫຍາຍ ການຮ່ວມມືດ້ານ ເຕັກໂນໂລຊີ ແລະ ນະວັດຕະກໍາ

Published on

ໃນຕອນເຊົ້າຂອງວັນທີ 27 ກໍລະກົດ 2022 ທີ່ຜ່ານມາ, ທ່ານ ບໍ່ວຽງຄໍາ ວົງດາລາ ໄດ້ໃຫ້ກຽດຕ້ອນຮັບ ທ່ານ ເຈົາ ວັນ ມິງ ພ້ອມດ້ວຍຄະນະຢ່າງອົບອຸ່ນຖານອ້າຍນ້ອງເພື່ອນມິດສະຫາຍ, ທັງສອງຝ່າຍຍັງໄດ້ຮ່ວມກອງປະຊຸມພົບປະສອງຝ່າຍ ລະຫວ່າງ ກະຊວງເຕັກໂນໂລຊີ ແລະ ການສື່ສານ ສປປ ລາວ ແລະ ສະພາບັນດິດວິທະຍາສາດ ແລະ ເຕັກໂນໂລຊີ ແຫ່ງສສ ຫວຽດນາມ, ມີເອກອັກຄະລັດຖະທູດສສ ຫວຽດນາມ ປະຈໍາ ສປປ ລາວ, ມີຮອງລັດຖະມົນຕີ, ຄະນະຜູ້ແທນທັງສອງຝ່າຍເຂົ້າຮ່ວມ.

ໃນກອງກອງປະຊຸມດັ່ງກ່າວ, ສອງຝ່າຍຕົກລົງເປັນເອກະພາບໃນການຮ່ວມມືຫລາຍກິດຈະກໍາ ຄື: ການແລກປ່ຽນຄະນະຜູ້ແທນຂັ້ນສູງ ແລະ ຂັ້ນກົມ ຢ່າງໜ້ອຍປີລະຄັ້ງ ໂດຍພັດປ່ຽນກັນເປັນເຈົ້າພາບ; ສະພາບັນດິດວິທະຍາສາດ ແລະ ເຕັກໂນໂລຊີ ສສ ຫວຽດນາມ ຍິນດີໃຫ້ການຊ່ວຍເຫລືອ ກະຊວງເຕັກໂນໂລຊີ ແລະ ການສື່ສານ ໃນການພັດທະ ນາຊັບພະຍາກອນມະນຸດ ພາຍໃຕ້ບັນດາຮູບແບບການຝຶກອົບຮົມ (ໄລຍະສັ້ນ ແລະ ໄລຍະຍາວ), ຈັດກອງປະຊຸມ, ການສໍາມະນາ ແລະ ກອງປະຊຸມວິຊາການ; ຮ່ວມມືສ້າງ ແລະ ຈັດຕັ້ງປະຕິບັດບັນດາໂຄງ ການ ຄົ້ນຄວ້າກ່ຽວກັບ ເຕັກໂນໂລຊີອັດສະລິຍະ ເຊັ່ນ:

ເຕັກໂນໂລຊີກຸ່ມຂໍ້ມູນຜູກພັນ, ກຸ່ມຂໍ້ມູນຂະໜາດໃຫຍ່, ການປະມວນຜົນຜ່ານລະບົບຄລາວ, ປັນຍາປະດິດ ແລະ ອິນເຕີເນັດສັບພະສິ່ງ; ແລກປ່ຽນຂໍ້ມູນ, ສິ່ງພິມ ແລະ ບັນດາເອກະສານຜົນການຄົ້ນຄວ້າເຕັກໂນໂລຊີ ແລະ ນະວັດຕະກໍາ; ແລກປ່ຽນຊ່ຽວຊານ ແລະ ນັກຄົ້ນຄວ້າ; ຮ່ວມກັນສ້າງບົດສະເໜີໂຄງການ ສະເໜີເຖິງລັດຖະບານສອງປະເທດ ກ່ຽວກັບການຮ່ວມມືກໍ່ສ້າງສູນລະດັບຊາດ ເພື່ອເກັບກຳ/ບໍລິຫານ ຂໍ້ມູນ ແລະ ປະມວນຜົນຜ່ານລະບົບຄລາວ, ສູນເກັບຮັກສາຂໍ້ມູນ ແລະ ເເຈ້ງເຕືອນແຜ່ນດິນໄຫວ ຂອງ ສປປ ລາວ; ຮ່ວມກັນສ້າງບົດສະເໜີໂຄງການສະເໜີ ເຖິງລັດຖະບານສອງປະເທດ ກ່ຽວກັບການຮ່ວມມືກໍ່ສ້າງສູນຮຽນຮູ້ລະດັບຊາດ ດ້ານເຕັກໂນໂລຊີ ແລະ ນະວັດຕະກໍາ, ສູນບົ່ມເພາະເຕັກໂນໂລຊີ ແລະ ນະວັດຕະກໍາ; ຮ່ວມມືສ້າງສູນຝຶກອົບຮົມ ແລະ ຖ່າຍທອດເຕັກໂນໂລຊີ ລາວ-ຫວຽດນາມ; ຮ່ວມມືຈັດເວທີສົ່ງເສີມການຖ່າຍທອດເຕັກໂນໂລຊີ ລາວ-ຫວຽດ ນາມ ທຸກໆປີ ແລະ ບັນດາຂົງເຂດຮ່ວມມືອື່ນໆ ທີ່ສອງຝ່າຍມີຄວາມສົນໃຈ.

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...