Homeຂ່າວທ້ອງຖິ່ນຊ້າງປ່າທຳລາຍຜົນລະປູກ ປະຊາຊົນບ້ານນ້ຳໂທ່ມ ເມືອງຫີນເຫີບ!

ຊ້າງປ່າທຳລາຍຜົນລະປູກ ປະຊາຊົນບ້ານນ້ຳໂທ່ມ ເມືອງຫີນເຫີບ!

Published on

Image.aspx

ພື້ນທີ່ໄຮ່ຂອງປະຊາຊົນປະມານ 10 ເຮັກຕາ ຕາມເປີ້ນພູ ແລະ ໂນນພູ ຊຶ່ງບາງຈຸດເກັບກ່ຽວແລ້ວແຕ່ບໍ່ທັນໄດ້

ມ້ຽນມັດຜົນລະປູກ, ບາງຈຸດຍັງຢືນຕົ້ນລໍຖ້າການເກັບກ່ຽວພື້ນທີ່ເຫຼົ່ານີ້ງຽບສະຫງົບ ປາສະຈາກຜູ້ຄົນ ແລະ

ຖຽງໄຮ່ທີ່ເປັນບ່ອນນອນຂອງຊາວກະສິກອນ ກໍກາຍເປັນຖຽງຫວ່າງເປົ່າ ບໍ່ມີຜູ້ຄົນອາໄສຢູ່ ທັງໆທີ່ເປັນລະດູ

ເກັບກ່ຽວເອົາຜົນຜະລິດ, ແຕ່ປີນີ້ບໍ່ມີຄົນ ເພາະເຂົາເຈົ້າຢ້ານຊ້າງປ່າທຳລາຍ ຊຶ່ງເປັນການສ່ຽງຕໍ່ຊີວິດ ແລະ

ຊັບສິນ, ຊ້າງປ່າໄດ້ເຂົ້າທຳລາຍເຂົ້ານາເຂົ້າໄຮ່, ສວນ, ຖຽງໄຮ່ ແລະ ລົດໄຖນາຂອງປະຊາຊົນແຕ່ຕົ້ນເດືອນຕຸລາ

ທີ່ຜ່ານມາ ຊຶ່ງເປັນເຫດການທີ່ບໍ່ເຄີຍເກີດຂຶ້ນມາກ່ອນສຳລັບປະຊາຊົນບ້ານນ້ຳໂທ່ມ ເມືອງຫີນເຫີບ ແຂວງ

ວຽງຈັນ.
ປະຊາຊົນເລົ່າວ່າ: ຊ້າງຝູງນີ້ ມັກອອກມາຫາກິນຕາມ ທົ່ງໄຮ່, ສວນ ແລະ ທຳລາຍ ຜົນລະປູກ, ຖຽງໄຮ່ ແລະ

ອື່ນໆຂອງເຂົາເຈົ້າໃນເວລາ ກາງຄືນ ແລະ ຕອນກາງເວັນ ແມ່ນອາໄສຢູ່ໃນປ່າ, ແຕ່ກ່ອນ ບໍ່ເຄີຍມີຊ້າງເຂົ້າມາ

ໃກ້ເຂດ ຜະລິດຂອງຄົນ.
ພາລະກິດໄລ່ຊ້າງປ່າທີ່ ບ້ານນ້ຳໂທ່ມ ມີຂຶ້ນໃນວັນທີ 6 ພະຈິກທີ່ຜ່ານມາ ໂດຍເຈົ້າໜ້າທີ່ຂະແໜງຊັບພະຍາກອນ

ປ່າໄມ້ແຂວງວຽງຈັນ ສົມທົບກັບກຳລັງທະຫານ, ຕຳຫຼວດ, ອຳນາດການປົກຄອງເມືອງຫີນເຫີບ ແລະ ບ້ານນ້ຳ

ໂທ່ມ ຈຳນວນ 30 ກວ່າຄົນ ໄດ້ໃຊ້ຮູບການຈູດກະໂພກໄລ່ຊ້າງປ່າຕາມປ່າດົງໃກ້ກັບບໍລິເວນ ທົ່ງໄຮ່ ແລະ ສວນ

ຢາງພາລາຂອງປະຊາຊົນ ເພື່ອໃຫ້ຊ້າງເຂົ້າສູ່ປ່າເລິກ ແລະ ບໍ່ກັບມາທຳລາຍຜົນລະປູກຂອງປະຊາຊົນ.
ທ່ານ ອຸ່ນເຮືອນ ແກ້ວພົມມາ ຫົວໜ້າຂະແໜງຊັບພະຍາກອນປ່າໄມ້ ກ່າວຕໍ່ຜູ້ສື່ຂ່າວວ່າ: ຊ້າງປ່າທີ່ອອກມາ

ທຳລາຍຜົນລະປູກຂອງປະຊາຊົນຄັ້ງນີ້ມີຈຳນວນ 3 ໂຕ, ໃນນີ້ເປັນຊ້າງຜູ້ 1 ໂຕ ແລະ ຊ້າງແມ່ ລູກ 1 ຄູ່, ຊ້າງຈຳ

ນວນນີ້ໄດ້ເຂົ້າມາທຳລາຍຜົນລະປູກປະຊາຊົນ ແຕ່ວັນທີ 11 ຕຸລາເປັນຕົ້ນ ມາ, ເວລານັ້ນປະຊາຊົນບ້ານດັ່ງກ່າວ

ໄດ້ພ້ອມກັນໄປຂັບໄລ່ ແຕ່ບໍ່ສຳເລັດເພາະບໍ່ມີອຸປະກອນ ແລະ ຊ້າງໄດ້ສືບຕໍ່ທຳລາຍຜົນລະປູກ, ຖຽງໄຮ່ ແລະ ລົດ

ໄຖນາ 1 ຄັນເປ່ເພ.

 

ແຫລ່ງຂ່າວ: ໜັງສືພິມປະຊາຊົນ

 

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...