ໃນວັນທີ 26 ກໍລະກົດ 2022 ສະຫະລັດອາເມຣິກາ ຮຽກຮ້ອງໃຫ້ຈີນ ແລະ ປະເທດອື່ນໆ ໃຫ້ໃຊ້ອິດທິພົນຕໍ່ມຽນມາ ໃຫ້ຜ່ອນຜັນນະໂຍບາຍທີ່ຮຸນແຮງ ແລະ ຢຸດການປາບປາມກຸ່ມຜູ້ປະທ້ວງ.
ຈາກກໍລະນີລັດຖະບານມຽນມາດຳເນີນການປະຫານຊີວິດ ນັກເຄື່ອນໄຫວຕໍ່ຕ້ານລັດຖະປະຫານ 4 ຄົນ ດ້ວຍການແຂວນຄໍໃນເຮືອນຈຳອິນເສັ່ງ ນະຄອນຢາງກຸ້ງ ເຊິ່ງເປັນການບັງຄັບໃຊ້ໂທດປະຫານຄັ້ງທຳອິດ ໃນຮອບ 46 ປີ ຂອງມຽນມາ,ທ່ານ ເນັດ ໄພສ ກະຊວງການຕ່າງປະເທດຂອງສະຫະລັດອາເມຣິກາ ໄດ້ອອກຖະແຫຼງການ ຮຽກຮ້ອງໃຫ້ລັດຖະບານຈີນເພີ່ມແຮງກົດດັນຕໍ່ລັດຖະບານມຽນມາ ເພາະສະຖານະການຕອນນີ້ ບໍ່ສາມາດເຮັດຄືບໍ່ມີຫຍັງເກີດຂຶ້ນບໍ່ໄດ້.
ທັ້ງນີ້ ທ່ານ ໄພສ ເບິ່ງວ່າ ຈີນມີອິດທິພົນຕໍ່ມຽນມາຫຼາຍ ລັດຖະບານອາເມຣິກາຈຶ່ງຮຽກຮ້ອງໃຫ້ປະເທດຕ່າງໆ ຢຸດການຂາຍອາວຸດໃຫ້ແກ່ກອງທັບມຽນມາ ແລະ ບໍ່ໃຫ້ມຽນມາມີບົດບາດໃນເວທີໂລກ, ສ່ວນກະຊວງການຕ່າງປະເທດຂອງຈີນລະບຸວ່າ ຈີນຈະບໍ່ແຊກແຊງປະເທດໃດ.
ແຫຼ່ງຂ່າວຈາກ ຣອຍເຕີ