ລັດຖະບານມຽນມາ ປະຫານຊີວິດ 4 ຄົນທີ່ເຄື່ອນໄຫວຮຽກຮ້ອງປະຊາທິປະໄຕທີ່ໄດ້ຖືກຫາຊ່ວຍເຫຼືອຜູ້ກໍ່ການຮ້າຍ.

ອ້າງອີງຈາກ ABC Australia News ລາຍງານວ່າ ຜູ້ເຄື່ອນໄຫວ 4 ຄົນ ແມ່ນຜູ້ຊາຍ ໄດ້ຖືກປະຫານຊີວິດໃນເດືອນມັງກອນທີ່ຜ່ານມາ ໄດ້ພິຈາລະນາຄະດີແບບປິດລັບ, ພວກເຂົາໄດ້ຖືກກ່າວຫາວ່າຊ່ວຍເຫຼືອອົງກອນກຳລັງຕິດອາວຸດ ໃນການຕໍ່ສູ້ກັບກອງທັບທີ່ຍຶດອຳນາດຜ່ານທາງການລັດຖະປະຫານ ແລະ ປາບປາມຜູ້ທີ່ເຫັນຕ່າງດ້ວຍຄວາມຮຸນແຮງ ຈົນເກີດເຫດການປະທ້ວງໃນປະເທດຢ່າງຮຸນແຮງ.

ທັງ 4 ຄົນ ໄດ້ຖືກຂໍ້ກ່າວຫາ ພາຍໃຕ້ກົດໝາຍຕ້ານການກໍ່ການຮ້າຍ ແລະ ກົດໝາຍອາຍາ, ການລົງໂທດໄດ້ຖືກດຳເນີນໄປຕາມຂັ້ນຕອນຂອງຄຸກ ໂດຍບໍ່ໄດ້ໃຫ້ລາຍລະອຽດ, ເຊິ່ງການ​ປະຫານ​ຊີວິດ​ໃນ​ມຽນມາ​ກ່ອນ​ໜ້າ​ນີ້​ແມ່ນການ​ແຂວນ​ຄໍ.

ການປະຫານຊີວິດນັກເຄື່ອນໄຫວທາງການເມືອງ ຖືວ່າເປັນການປະຫານຄັ້ງທຳອິດໃນອາຊີຕາເວັນອອກສຽງໃຕ້ ໃນຮອບຫຼາຍທົດສະວັດ, ເຊິ່ງການປະຫານຊີວິດໃນເທື່ອນີ້ ຖືກເບິ່ງວ່າເປັນການແກ້ແຄ້ນໂດຍລັດຖະບານຜະເດັດການຕໍ່ຝ່າຍກົງຂ້າມຂອງການປົກຄອງ.