ຕາມການໃຫ້ສຳພາດຂອງ ທ່ານ ສົມພັນ ສີຄັນໄຊ ຮອງຜູ້ຄຸມໜ່ວຍງານອະນາໄມງານບຸນພະທາດຫຼວງ ໃນວັນທີ
11 ພະຈິກນີ້ໃຫ້ຮູ້ວ່າ: ການອະນາໄມເດີ່ນພະທາດຫຼວງມາຮອດປັດຈຸບັນກໍເປັນມື້ທີ 5 – ມື້ທີ 6 ແລ້ວ ທີ່ໜ່ວຍງານ
ຂອງຕົນສຸມໃສ່ອະນາໄມທັງກາງເວັນ ແລະ ກາງຄືນ, ໃຊ້ທັງລົດອະນາໄມ ແລະ ຄົນ ແຕ່ການອະນາໄມຍັງບໍ່ສຳເລັດ
ຍ້ອນເສດຂີ້ເຫຍື້ອຕິດແໜ້ນກັບຟື້ນ, ເນື່ອງມາຈາກຝົນຕົກໜັກໄລຍະ 2 ມື້ສຸດທ້າຍຂອງບຸນ, ບວກກັບການເກັບ
ມ້ຽນຂອງບາງຫ້າງຮ້ານກໍຫຼ້າຊ້າ ແລະ ຂີ້ເຫຍື້ອທີ່ຊະຊາຍເປັນບໍລິເວນກ້ວາງ ຈຶ່ງເຮັດໃຫ້ການອະນາໄມພົບຄວາມ
ຫຍຸ້ງຍາກ, ຂະນະດຽວກັນ ມາຮອດປັດຈຸບັນພວກເຮົາສາມາດເກັບມ້ຽນຂີ້ເຫຍື້ອອອກຈາກເຂດດັ່ງກ່າວໄດ້ແລ້ວ
ປະມານ 500 ກວ່າໂຕນ, ທຽບໃສ່ປີຜ່ານມາເຫັນວ່າຂີ້ເຫຍື້ອໃນງານບຸນພະທາດຫຼວງປີນີ້ເພີ່ມຂື້ນທົບເທົ່າ, ແຕ່ເຖິງ
ແນວໃດກໍຕາມພວກເຮົາຈະສຸມໃສ່ ອະນາໄມເຂດເດີ່ນພະທາດຫຼວງໃຫ້ສຳເລັດລະອຽດພາຍໃນອາທິດນີ້, ແຕ່ເຖິງ
ຢ່າງໃດກໍຂໍອະໄພຕໍ່ຄວາມບໍ່ຈົບງາມດັ່ງກ່າວ.
ຮອງໜ່ວຍງານອະນາໄມ ໃຫ້ຮູ້ອີກວ່າ: ໃນງານບຸນພະທາດຫຼວງປີນີ້ເຖິງວ່າພາກສ່ວນກ່ຽວຂ້ອງຈະມີການກະກຽມ
ຖັງຖິ້ມຂີ້ເຫຍື້ອໄວຕາມຈຸດຕ່າງໆເພື່ອຮອງຮັບການຖິ້ນຂີ້ເຫຍື້ອຊະຊາຍ, ແຕ່ມ່ວນຊົມຜູ້ທີ່ມາທ່ຽວບຸນຍັງຂາດ
ຄວາມຮັບຜິດຊອບ ແລະ ບໍ່ມີສະຕິໃນການຮັກສາອະນາໄມຈຶ່ງຖີ້ມຂີ້ເຫື້ຍອຊະຊາຍ, ສົ່ງຜົນກະທົບບໍ່ດີຕໍ່ສິ່ງ ແວດ
ລ້ອມ ແລະ ເຮັດໃຫ້ການອະນາໄມພົບຄວາມຫຍຸ້ງຍາກ.
ແຫລ່ງຂ່າວ: ລາວພັດທະນາ