ຣັດເຊຍ-ຢູເຄຣນ ລົງນາມຂໍ້ຕົກລົງສົ່ງອອກເມັດພືດ ຜ່ານທະເລດຳສຳເລັດແລ້ວ ມີໄລຍະເວລາເປີດທາງຂົນສົ່ງ 120 ມື້.
ໃນວັນທີ 23 ກໍລະກົດ 2022 ອັລຈາຊີລາ ລາຍງານວ່າ: ຣັດເຊຍ ແລະ ຢູເຄຣນ ໄດ້ລົງນາມໃນຂໍ້ຕົກລົງຄັ້ງສຳຄັນ ໂດຍມີເລຂາທິການສະຫະປະຊາຊາດ (ຢູເອັນ) ແລະ ຜູ້ນຳລັດຖະບານຕວກກີ ຊ່ວຍໃນການດຳເນີນການ ໃນເລື່ອງການຈັດສົ່ງເມັດພືດ ເຊິ່ງເປັນສ່ວນໜຶ່ງ ຂອງຄວາມພະຍາຍາມບັນເທົາວິກິດການຂາດແຄນອາຫານໃນທົ່ວໂລກ.
ທ່ານ ເຊີເກ ຊອຍກູ ລັດຖະມົນຕີກະຊວງປ້ອງກັນປະເທດຂອງຣັດເຊຍ ແລະ ທ່ານ ໂອເລກຊານດີ ຄູບາຣຄອຟ ລັດຖະມົນຕີກະຊວງພື້ນຖານໂຄງລ່າງຂອງຢູເຄຣນ ໄດ້ລົງນາມຂໍ້ຕົກລົງແຍກກັນ ແຕ່ພາຍໃຕ້ຂໍ້ຕົກລົງດຽວກັນ ໂດຍລົງນາມຮ່ວມກັບຢູເອັນ ແລະ ເຈົ້າໜ້າທີ່ຂອງຕວກກີ ເພື່ອເປີດເສັ້ນທາງຂົນສົ່ງຜ່ານທະເລດຳ. ເຈົ້າໜ້າທີ່ຢູເຄຣນ ກ່າວວ່າ ພວກເຂົາບໍ່ຢາກຮ່ວມເຊັນຂໍ້ຕົກລົງໃນເອກະສານດຽວກັນຣັດເຊຍ.
ໃນການສົ່ງອອກເມັດພືດນີ້ ຈະເລີ່ມສົ່ງອອກໄດ້ໃນອີກບໍ່ດົນ ແລະ ຈະໃຊ້ເວລາປະມານ 2-3 ອາທິດ, ທັ້ງນີ້ ຂໍ້ຕົກລົງມີອາຍຸ 4 ເດືອນ ຫຼື 120 ມື້.
ຢ່າງໃດກໍຕາມ ເຖິງວ່າທັງ 2 ປະເທດຍັງຈະມີການຂັດແຍ່ງກັນ ແຕ່ກໍຍັງສາມາດຕົກລົງກັນໄດ້ເພື່ອທີ່ຫຼຸດຜ່ອນວິກິດການໃນໂລກ.