ວັນທີ 20 ກໍລະກົດ 2022 ອ້າລງອີງຈາກ ສຳນັກຂ່າວຊິນຫົວ ໄດ້ລາຍງານວ່າ: ຊຸນຊຸນຫຼານ ຮອງນາຍົກລັດຖະມົນຕີປະເທດຈີນ ໃຫ້ຮູ້ວ່າ ເກນການຮັບມືພະຍາດຕິດຕໍ່ເຊື້ອໄວຣັສໂຄວິດ-19 ສາຍພັນໃໝ່ ລ່າສຸດຂອງຈີນ ຕ້ງອາໄສການດຳເນີນມາດຕະການປ້ອງກັນ ແລະ ຄວບຄຸມ ແລະ ການແກ້ໄຂ ແທນທີ່ຈະຜ່ອນຜັນມາດຕະການ.
ໃນວັນຈັນ-ວັນອັງຄານ ທີ 18-19 ກໍລະກົດ ທ່ານ ຊຸນ ໄດ້ລົງກວດ ແລະ ຢ້ຽມຢາມ ເພື່ອກວດສອບມາດຕະການປ້ອງກັນ ແລະ ຄວບຄຸມການແຜ່ລະບາດຂອງ ມົນທົນເຫີເປີ່ຍ.
ພ້ອມຍັງດຳເນີນຕາມນະໂຍບາຍໂຄວິດເປັນສູນ ຂອງປະເທດຈີນ ລວມທັງການຈັດການກັບການແຜ່ລະບາດໃນເວລາສັ້ນ ເພື່ອຮອງຮັບວ່າພະຍາດລະບາດນີ້ ຢູ່ພາຍໃຕ້ການຄວບຄຸມເສດຖະກິດມີສະເຖຍລະພາບ ແລະ ການພັດທະນາມີຄວາມປອດໄພ.
ນອກຈາກນັ້ນທ່ານ ຊຸນ ຍັງໄດ້ຍ້ອງຍໍ ເຫີເປີ່ຍ ທີ່ຮັກສາລະດັບການຕິດເຊື້ອໃນຊຸມຊົນເປັນສູນໄດ້ດົນ ພ້ອມຮຽກຮ້ອງໜ່ວຍງານທ້ອງຖິ່ນລະມັດລະວັງ ແລະ ສະກັດກັ້ນການແຜ່ລະບາດໃນລະດັບຊຸມຊົນຢ່າງທັນທີ ແລະ ເດັດຂາດ.