ມືປືນໃຊ້ປືນໄລເຟິນກາດຍິງທີ່ສູນອາຫານ ໃນສູນການຄ້າ ທີ່ລັດອິນເດຍນາ ປະເທດອາເມຣິກາ ຈົນມີຜູ້ເສຍຊີວິດ 3 ຄົນ ມີພົນລະມືອງດີໃຈກ້າ ຍິງມືປືນເສຍຊີວິດຄາທີ່.
ໃນວັນທີ 18 ກໍລະກົດ 2022 ອ້າງອີງຈາກ ເອພີ ລາຍງານວ່າ: ເກີດເຫດສະເທືອນຂວັນທີ່ສູນການຄ້າແຫ່ງໜຶ່ງໃນເມືອງກຣີນວູດ ລັດອິນເດຍນາ ປະເທດສະຫະລັດອາເມຣິກາໃນຕອນແລງວັນອາທິດ ທີ 17 ກໍລະກົດ 2022 ຕາມເວລາທ້ອງຖິ່ນ ໂດຍມືປືນໄດ້ໃຊ້ປືນໄລເຟິນຍິງໃສ່ຜູ້ຄົນໃນສູນອາຫານ ທີ່ສູນການຄ້າ ເຮັດໃຫ້ມີຜູ້ຖືກລູກປືນຈຳນວນ 5 ຄົນ ໃນນັ້ນມີຜູ້ໄດ້ຮັບບາດເຈັບສາຫັດ ແລະ ເສຍຊີວິດ 3 ຄົນ.
ຕໍ່ມາມືປືນໄດ້ຖືກພົນລະເມືອງດີເປັນຜູ້ຊາຍ ອາຍຸ 22 ປີ ເຊິ່ງມີໃບອະນຸຍາດພົກພາປືນ ແລະ ລາວໄດ້ເຫັນເຫດການພໍດີ ຈຶ່ງໃຊ້ປືນທີ່ພົກພາມາຍິງໃສ່ຄົນຮ້າຍໃນທີ່ເກີດເຫດເສຍຊີວິດ.