ເວທີປະຊຸມສຸດຍອດຜູ້ນຳ APEC ມື້ທີສອງ ບັນດາປະເທດສະມາຊິກ ຕອບຮັບການສະເໜີຂອງຈີນ ຕັ້ງເຂດການຄ້າ
ເສລີອາຊີ – ປາຊີຟິກ.
ສຳນັກຂ່າວຕ່າງປະເທດລາຍງານວ່າ ເວທີກອງປະຊຸມສຸດຍອດຜູ້ນຳເສດຖະກິດອາຊີ – ປາຊີຟິກ ຫລື ເອເປັກ (APEC)
ຄັ້ງທີ 22 ໃນມື້ທີສອງ ວັນທີ 11 ພະຈິກທີ່ຜ່ານມານີ້ ທ່ານປະທານາທິບໍດີ ສີ ຈິ້ນຜິງ ຜູ້ນຳຂອງຈີນ ໄດ້ຮຽກຮ້ອງປະເທດ
ສະມາຊິກ 21 ປະເທດ ຮ່ວມກັນຕອບສະໜອງນະໂຍບາຍເຂດການຄ້າເສລີ ເພື່ອເລັ່ງການເຕີບໂຕທາງດ້ານເສດຖະກິດ
ຂອງໂລກ ເຊິ່ງຂໍ້ຮຽກຮ້ອງດັ່ງກ່າວກໍໄດ້ຮັບການສະໜັບສະໜູນດ້ວຍດີ.
ດ້ານທ່ານ ບາຣັກ ໂອບາມາ ຜູ້ນຳຂອງສະຫະລັດ ໄດ້ກ່າວສະແດງຄວາມຍິນດີຕໍ່ລັດຖະບານຈີນ ໂດຍພ້ອມທີ່ຈະສະໜັບ
ສະໜູນໃຫ້ເກີດເຂດການຄ້າເສລີ ໃນພາກພື້ນອາຊີ – ປາຊີຟິກ ເຖິງແມ່ນວ່າຍັງຕ້ອງໄດ້ສຶກສາລາຍລະອຽດຕ່າງໆອີກ
ຢ່າງຫລວງຫລາຍກໍຕາມ.