ລັດຖະບານອິນເດຍ ຈັດໂຄງການເຮັດໝັນຟຣີ ເພື່ອຫລຸດອັດຕາການເກີດຂອງປະຊາກອນ ແຕ່ກັບມີຜູ້ເຂົ້າຮ່ວມ

ໂຄງການເສຍຊີວິດເຖິງ 11 ຄົນ ແລະ ບາດເຈັບອີກເປັນຈຳນວນຫລາຍ.

ສຳນັກຂ່າວຕ່າງປະເທດລາຍງານ ໃນວັນທີ່ 12 ພະຈິກນີ້ວ່າ ຍິງຊາວອິນເດຍ 11 ຄົນ ເສຍຊີວິດຫລັງເຂົ້າຮ່ວມໂຄງການ

ເຮັດໝັນດ້ວຍການຜ່າຕັດທໍ່ຮັງໄຂ່ໂດຍບໍ່ເສຍຄ່າຂອງລັດຖະບານ ທີ່ເຕັ້ນໂຮງໝໍຊົ່ວຄາວໃນບ້ານເພນດາຣີ ເມືອງພິ

ລາສປຸຣະ ລັດສັດຕິສະຄອນ ທາງພາກກາງຂອງປະເທດອິນເດຍ ເມື່ອວັນເສົາທີ່ຜ່ານມາ (8 ພະຈິກ) ນອກຈາກນີ້ ຍັງ

ມີຄົນເຈັບອີກ 50 ຄົນ ຖືກສົ່ງໄປປິ່ນປົວຕໍ່ຢູ່ໂຮງໝໍ 3 ແຫ່ງ ແລະ ຢ່າງໜ້ອຍ 20 ຄົນໃນຈຳນວນນີ້ ມີອາການໃນຂັ້ນ

ໜ້າເປັນຫ່ວງ.

ຫລັງເກີດເຫດ ເຈົ້າໜ້າທີ່ໄດ້ອອກມາປະຕິເສດວ່າ ທາງແພດຜ່າຕັດບໍ່ໄດ້ມີການປະໝາດແຕ່ຢ່າງໃດ, ແຕ່ທາງດ້ານ

ຊາວບ້ານໃນເຂດນັ້ນຫລາຍຄົນໄດ້ລະບຸວ່າ ຍິງທີ່ເຂົ້າຮ່ວມໂຄງການທັງ 83 ຄົນ ເຊິ່ງທັງໝົດມີອາຍຸລະຫວ່າງ 24-40 ປີ

ໄດ້ຮັບການຜ່າຕັດເຮັດໝັນສຳເລັດພາຍໃນ 6 ຊົ່ວໂມງ ດ້ວຍຝີມືໝໍພຽງ 1 ຄົນ ແລະ ຜູ້ຊ່ວຍໝໍອີກ 1 ຄົນເທົ່ານັ້ນ.

ດ້ານທ່ານ ອາມາ ສິງ ຮອງຜູ້ອຳນວຍການໜ່ວຍງານສາທາລະນະສຸກຂອງລັດ ໄດ້ເຜີຍວ່າ ຜົນການກວດສອບເບື້ອງ

ຕົ້ນສະແດງໃຫ້ເຫັນເຖິງສາເຫດຂອງການເສຍຊີວິດ ແມ່ນເກີດມາຈາກການຕິດເຊື້ອ ຫລື ອາການຊ໊ອກເພາະເສຍ

ເລືອດຫລາຍ, ແຕ່ເຖິງແນວໃດກໍຕາມ ສາເຫດທີ່ແທ້ຈິງຂອງການເສຍຊີວິດນັ້ນ ຈະສາມາດຮູ້ໄດ້ພາຍຫລັງຜົນການ

ຊັນນະສູດສົບໄດ້ຖືກເປີດເຜີຍອອກມາໃນອີກບໍ່ດົນ.