ກຳປູເຈຍ ຈະຈັດງານມະຫາກຳກິລາ ອາຊີຕາເວັນອອກສ່ຽງໃຕ້ ຄັ້ງທີ 32 ໃນປີໜ້າ.
ຕາມຂ່າວຈາກ ຊິນຫົວ ໄດ້ລາຍງານວ່າ: ທ່ານ ຮຸນ ເຊັນ ນາຍົກ ລັດຖະມົນຕີ ກຳປູເຈຍ ຢັ້ງຢືນວ່າ ຈະມີການຈັດງານ ມະຫາກຳກິລາ ອາຊີ ຕາເວັນອອກ ສ່ຽງໃຕ້ ຄັ້ງທີ 32 (SEA Games 32) ແລະ ງານມະຫາກຳ ກິລາ ຄົນພິການ ອາຊີ ຕາເວັນອອກ ສ່ຽງໃຕ້ (ASEAN Para Games 12) ໃນປີ 2023 .
ກອງປະຊຸມ ສະຫະພັນ ກິລາ ອາຊີ ຕາເວັນອອກ ສ່ຽງໃຕ້ ໄດ້ຈັດຂຶ້ນ ເມື່ອບໍ່ດົນມານີ້ ຢູ່ ພະນົມເປັນ, ທ່ານ ຮຸນ ເຊັນ ລະບຸວ່າ: ກຳປູເຈຍ ໄດ້ຖ້າມາ 64 ປີ ເມື່ອຕັດສິນໃຈ ເປັນເຈົ້າພາບ ຈັດງານ SEA Games 32 ແລະ ASEAN Para Games 12 ຫຼັງຈາກ ໄດ້ພາດ ໂອກາດນີ້ ເປັນຫຼາຍເທື່ອ ເພື່ອກະກຽມຢ່າງຄົບຖ້ວນ ແລະ ລະດົມທຸກແຫຼ່ງກຳລັງທີ່ຈຳເປັນ ເພື່ອຈັດເຫດການ ກິລາ ໃຫຍ່ທີ່ສຸດ ໃນພາກພື້ນນີ້ໃຫ້ເປັນຢ່າງດີ ດ້ວຍຄວາມຮັບຜິດຊອບສູງ ແລະ ຍິນດີຕ້ອນຮັບແຂກທ່ອງທ່ຽວ ທັງຢູ່ພາຍໃນ ແລະ ຕ່າງປະເທດ ກໍຄືບັນດາຜູ້ແທນນັກກິລາ ດ້ວຍຄວາມຮັກແພງ ສາມັກຄີ ແລະ ການບໍລິການ ທີ່ດີທີ່ສຸດ ເພື່ອນຳມາເຊິ່ງ ການລົງ ພຶດຕິກຳ ຕົວຈິງ ທີ່ດີ ໃນວິວັດ ການເຂົ້າຮ່ວມ SEA Games 32 ແລະ ASEAN Para Games 12 ໃນປີໜ້າ.
ທັງນີ້ ກຳປູເຈຍ ໄດ້ໃຫ້ຄຳໝັ້ນສັນຍາ ທີ່ຈະຮັບປະກັນການເປັນເຈົ້າພາບຈັດງານກິລາຫຼາຍພາກພື້ນນີ້ ໃຫ້ປະສົບຜົນສຳເລັດ.