ເກີດເຫດກາດຍິງອີກຄັ້ງໃນສະຫະລັດອາເມຣິກາ ມີຄົນເສຍຊີວິດ 6 ຄົນ ແລະ ບາດເຈັບຫຼາຍກວ່າ 30 ຄົນ ທີ່ເກີດເຫດແມ່ນຂະນະທີ່ຂະບວນພາເລດວັນຊາດກຳລັງດຳເນີນຢູ່.

ອ້າງອີງຈາກສຳນັກຂ່າວ ຣອຍເຕີ ໄດ້ລາຍງານວ່າ: ທີ່ເມືອງຊິກາໂກ ລັດອິລິນອຍ ປະເທດອາເມຣິກາ ໃນວັນທີ 5 ກໍລະກົດ ສຳນັກງານຕຳຫຼວດລາຍງານວ່າ ມີການກາດຍິງໃນຕອນສວຍ ຂອງວັນຈັນທີ່ຜ່ານມາຕາມເວລາທ້ອງຖິ່ນ ໃນລະຫວ່າງຂະບວນພາເລດກຳລັງສະເຫຼີມສະຫຼອງວັນຊາດຂອງອາເມຣິກາ ເຊິ່ງກົງກັບວັນທີ 4 ກໍລະກົດ, ເຊິ່ງເຮັດໃຫ້ມີຄົນເສຍຊີວິດຢ່າງໜ້ອຍ 6 ຄົນ ແລະ ບາດເຈັບຫຼາຍກວ່າ 30 ຄົນ.

ຫຼັງຈາກເກີດເຫດ ຕຳຫຼວດສາມາດຈັບຄົນໄດ້ຊື່ວ່າ ທ້າວ ໂຣເບີດ ອີຄຣິໂມ ອາຍຸ 22 ປີ ເປັນບຸກຄົນທີ່ກ່ຽວຂ້ອງໃນເຫດກາດຍິງ ທີ່ມີອາວຸດປືນຄົບມື.

ໃນຂະນະພຽງ 4 ມື້ຂອງເດືອນກໍລະກົດນີ້ ເກີດເຫດກາດຍິງໃນສະຫະລັດອາເມຣິກາຢ່າງໜ້ອຍ 11 ເທື່ອແລ້ວ ອີງຕາມການລາຍງານຂອງ ອົງກອນອິດສະຫຼະ ທີ່ໄດ້ຮວບຮວມສະຖິຕິກ່ຽວກັບເລື່ອງນີ້.