ປະທານາທິບໍດີຂອງກູບາໄດ້ກ່າວວ່າ: ບໍ່ວ່າໄລຍະຫ່າງຂອງປະເທດ, ຄວາມແຕກຕ່າງຂອງວັດທະນະທຳ ແລະ ການແຜ່ລະບາດຂອງໂຄວິດຕັ້ງວ່າ 2 ປີ ກໍ່ບໍ່ແມ່ນອຸປະສັກໃນການພັດທະນາສາຍພົວພັນຂອງສອງຝ່າຍໄດ້.
ອ້າງອີງຈາກທາງການຂອງກູບາ ໄດ້ລາຍງານວ່າ: ທ່ານ Díaz-Canel ໄດ້ຈັດປະຊຸມພົບປະກັນຜ່ານທາງວິດີໂອ ກັບເລຂາທິການໃຫຍ່ຂະນະບໍລິຫານງານສູນກາງພັກປະຊາຊົນປະຕິວັດລາວ ແລະ ທ່ານ ທອງລຸນ ສີສຸລິດ ປະທານປະເທດແຫ່ງ ສປປ ລາວ.
ປະທານາທິບໍດີຂອງກູບາຍັງໄດ້ຂອບໃຈພັກ, ລັດຖະບານ ແລະ ປະຊາຊົນລາວ ທີ່ໃຫ້ການສະໜັບສະໜູນແກ່ກູບາ.
ປະທານາທິບໍດີຂອງ ກູບາ ໄດ້ສະເໜີຊຸກຍູ້ການພົວພັນດ້ານເສດຖະກິດ ແລະ ເປີດກວ້າງການຮ່ວມມືໃນຂົງເຂດສາທາລະນະສຸກ, ການສຶກສາ, ກິລາ, ການຢາ, ເຕັກໂນໂລຊີຊີວະພາບ ແລະ ກະສິກຳ ທີ່ທັງສອງປະເທດມີສາຍພົວພັນກັນ.