ຂທ່ານ ​ສີ​ຈິ້ນ​ຜິງ ປະ​ທານ​ປະ​ເທດ​ຈີນ​ ກ່າວວ່າ “ປະ​ເທດ​ດຽວ ສອງ​ລະ​ບອບ”, ຮົງກົງຈະໄດ້​ຮັບ​ປະ​ກັນ​ຄວາມ​ຈະ​ເລີນ​ຮຸ່ງ​ເຮືອງ​ ແລະ ​ສະ​ຖຽນ​ລະ​ພາບ​ຂອງ​ຮົງ​ກົງ.

ອ້າງອີງຈາກທາງການປະເທດຈີນ ໄດ້ລາຍງານວ່າ: ໃນວັນ​ພະ​ຫັດ​ວານນ ວັນທີ 30 ມິຖຸນາທີ່ຜ່ານມານີ້ ທ່ານ ​ສີ​ຈິ້ນ​ຜິງ ປະ​ທານ​ປະ​ເທດ​ຈີນ​ ໄດ້​ໄປ​ຮອດ​ຮົງ​ກົງ​ ເພື່ອ​ສະ​ເຫຼີມ​ສະ​ຫຼອງ​ວັນ​ຄົບ​ຮອບ ແລະ ໄດ້ກ່າວ​ວ່າ ສະ​ແດງ​ໃຫ້​ເຫັນ​ຄວາມ​ສຳ​ຄັນ​ຂອງ “ປະ​ເທດ​ດຽວ ສອງ​ລະ​ບອບ”, ເຊິ່ງ​ໄດ້​ຮັບ​ປະ​ກັນ​ຄວາມ​ຈະ​ເລີນ​ຮຸ່ງ​ເຮືອງ​ ແລະ ​ສະ​ຖຽນ​ລະ​ພາບ​ຂອງ​ຮົງ​ກົງ​ໃນ​ໄລ​ຍະ​ຍາວ​.

ທ່ານໄດ້ກ່າວ​ຄຳ​ເຫັນ​ທີ່​ສະ​ຖາ​ນີ​ລົດ​ໄຟ​ຄວາມ​ໄວ​ສູງ ​ເມືອງ​ກາວ​ລູນ​ ຕາ​ເວັນ​ຕົກ, ທ່ານ ​ສີ​ຈິ້ນ​ຜິງ​ໄດ້​ຮຽກ​ຮ້ອງ​ໃຫ້​ຮົງ​ກົງ​ຍຶດ​ໝັ້ນ “ປະ​ເທດ​ດຽວ ສອງ​ລະ​ບອບ” ຢ່າງ​ບໍ່​ຢຸດ​ຢັ້ງ ແລະ​ ພະ​ຍາ​ຍາມ​ເພື່ອ​ອະ​ນາ​ຄົດ​ທີ່​ສົດ​ໃສ ແລ້ວໄດ້ສະແດງຄວາມ​ເປັນ​ຫ່ວງ​ເປັນ​ໄຍ​ຕໍ່​ຮົງ​ກົງ​ຕະຫຼອດ​ມາ ແລະ ຕາບໃດທີ່ຮົງກົງຍຶດໝັ້ນໃນຫຼັກການນີ້, ຮົງກົງມີ​ອະ​ນາ​ຄົດ​ທີ່​ສົດ​ໃສ ​ແລະ ​ມີ​ການ​ປະ​ກອບ​ສ່ວນ​ອັນ​​ຍິ່ງ​ໃຫຍ່​ກວ່າ​ເກົ່າ​​ໃນ​ການ​ຟື້ນ​ຟູ​ປະ​ເທດ​ຊາດ​ຈີນ.

ທ່ານ ສີ​ຈິ້ນ​ຜິງ ເຂົ້າ​ຮ່ວມ​ກອງ​ປະ​ຊຸມ​ສະ​ເຫຼີມ​ສະ​ຫຼອງ​ວັນ​ຄົບ​ຮອບ 25 ປີ​ຂອງ​ຮົງ​ກົງ​ກັບ​ຄືນ​ປະ​ເທດ​ຈີນ​ ແລະ​ ພີທີສາບານຕົວຂຶ້ນຮັບຕຳແໜ່ງຂອງອົງການປົກຄອງເຂດບໍລິຫານພິເສດຮົງກົງຊຸດທີ 6 (HKSAR) ໃນວັນທີ 1 ກໍລະກົດ 2022.