Homeຂ່າວພາຍ​ໃນຈາກການຊັດທອດ ສືບຕໍ່ຈັບຜູ້ຖືກສົງໄສ ພ້ອມຂອງກາງຢ້າບ້າ 42.000 ເມັດ

ຈາກການຊັດທອດ ສືບຕໍ່ຈັບຜູ້ຖືກສົງໄສ ພ້ອມຂອງກາງຢ້າບ້າ 42.000 ເມັດ

Published on

ຈາກການຂະຫຍາຍຜົນ ແລ້ວຊອກຈັບກຸ່ມແກ້ງຜູ້ຮ່ວມຂະບວນການ ມາຮອດວັນທີ 26 ມິຖຸນາ 2022 ເວລາ 8:25 ໂມງ, ເຈົ້າໜ້າທີ່ພະແນກຕຳຫຼວດ ປກສ ເມືອງຫາດຊາຍຟອງ ເຂົ້າແກ້ໄຂຜູ້ມີສ່ວນຮ່ວມຄ້າຂາຍເສບຕິດລາຍໃຫຍ່ມີການພົວພັນກວ້າງຂວາງ ຢູ່ບ້ານທົ່ງຂັນຄຳ ເມືອງຈັນທະບູລີ ນະຄອນຫຼວງວຽງຈັນ.

ພັທ ເກດສະໜາ ພິຈິດ ຫົວໜ້າພະແນກຕຳຫຼວດ ປກສ ເມືອງຫາດຊາຍຟອງ ໃຫ້ຮູ້ວ່າ: ກ່ອນໜ້ານີ້, ເຈົ້າໜ້າທີ່ວິຊາສະເພາະ ປກສ ເມືອງຫາດຊາຍຟອງ ຈັບເປົ້າໝາຍຢາເສບຕິດໄດ້ 3 ກຸ່ມໃຫຍ່. ໃນນັ້ນ, ຜູ້ຖືກຫາໄດ້ໃຫ້ການຊັດຖອດຫາຜູ້ມີສ່ວນພົວພັນເຄືອຂ່າຍ ຊື່ ນາງ ວິໄລພອນ ຫຼື ຈັນ ອາຍຸ 33 ປີ ອາຊີບ ຄ້າຂາຍ ຢູ່ບ້ານທົ່ງຂັນຄຳ ເມືອງຈັນທະບູລີ ນະຄອນຫຼວງວຽງຈັນ. ເຈົ້າໜ້າທີ່ ຈຶ່ງໄດ້ຂະຫຍາຍຜົນ. ມາຮອດວັນທີ 26 ມິຖຸນາ 2022, ກໍສາມາດຈັບ ນາງ ວິໄລພອນ ໄດ້ ພ້ອມເຄື່ອງຂອງກາງ ແລະ ເຄື່ອງຕິດຕົວ ມີຢາບ້າ 7 ແພັກ ເທົ່າກັບ 21 ມັດ ຫຼື 42.000 ເມັດ, ໂທລະສັບມືຖື 1 ໜ່ວຍ, ເງິນ 300.000 ກີບ ແລະ ເງິນ 100 ໂລດາ.

ຜ່ານການສືບສວນ-ສອບສວນ, ນາງ ວິໄລພອນ ຫຼື ຈັນ ໄດ້ໃຫ້ການຮັບສາ ລະພາບວ່າ: ຢາບ້າທີ່ຜູ່ກ່ຽວນຳມາຂາຍໄດ້ຊື້ນຳ ທ້າວ ຈັນລື ອາຍຸ 24 ປີ ຢູ່ບ້ານ ໜອງວຽງຄຳ ເມືອງໄຊທານີ ນະຄອນ ຫຼວງວຽງຈັນ ຊື້ຈໍານວນ 07 ແພັກ ຫຼື 21 ມັດ, ມີ 42,000 ເມັດ.

ຈາກນັ້ນ, ເຈົ້າໜ້າທີ່ ຈຶ່ງຂະຫຍາຍຜົນສືບຄົ້ນຫາຜູ້ຮ່ວມຂະບວນການ. ມາ ຮອດວັນທີ 28 ມິຖຸນາ, 2022 ເວລາ 18:00 ໂມງ ເຈົ້າໜ້າທີ່ຈຶ່ງສາມາດ ຈັບຕົວ ທ້າວ ຈັນລື ໄດ້ຢູ່ບ້ານທົ່ງຂັນຄຳ ເມືອງຈັນທະບູລີ ນະຄອນຫຼວງວຽງຈັນ ພ້ອມຂອງກາງຢາບ້າຈຳນວນ 18 ເມັດ, ລົດຈັກເວບ 100 ສີປອນ ເລກທະບຽນ ດຮ 5088 ກຳແພງນະຄອນຈຳນວນ 1 ຄັນ.

ປັດຈູບັນ ເຈົ້າໜ້າທີ່ໜ່ວຍງານສະກັດກັ້ນ ແລະ ຕ້ານຢາ ເສບຕິດ ພະແນກຕຳຫຼວດ ປກສ ເມືອງຫາດຊາຍຟອງ ກຳລັງ ສືບສວນ-ສອບສວນຂະຫຍາຍຜົນ ເພື່ອຊອກຫາກຸ່ມແກ້ງຜູ່ຮ່ວມ ຂະບວນການ ເພື່ອນຳຕົວພວກກ່ຽວມາ ດໍາເນີນຄະດີ ຕາມຂັ້ນຕອນ ຂອງກົດໝາຍ.

ແຫຼ່ງຂ່າວຈາກ ໜັງສືພິມຄວາມສະຫງົບ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...