ບໍລິສັດຊຳຊຸງເອເລັກໂຕນິກ ຂອງເກົາຫລີໃຕ້ ຍື່ນຂໍອະນຸມັດລົງທຶນສ້າງໂຮງງານຜະລິດສະມາດໂຟນແຫ່ງທີ 2 ໃນພາກ
ເໜືອຂອງຫວຽດນາມ ມູນຄ່າ 3 ຕື້ໂດລາ.
ສຳນັກຂ່າວຕ່າງປະເທດລາຍງານ ໃນວັນທີ 11 ພະຈິກນີ້ວ່າ ບໍລິສັດຊຳຊຸງເອເລັກໂຕນິກຫວຽດນາມ ວາງແຜນທີ່ຈະສ້າງ
ໂຮງງານຜະລິດມືຖືສະມາດໂຟນອີກແຫ່ງໜຶ່ງ ໃນແຂວງຖາຍຫວຽນ ຫລັງຈາກທີ່ບໍລິສັດໄດ້ເປີດໂຮງງານຜະລິດສະມາດ
ໂຟນມູນຄ່າ 2 ຕື້ໂດລາໄປແລ້ວແຫ່ງໜຶ່ງຢູ່ຫວຽດນາມ ເມື່ອເດືອນມີນາທີ່ຜ່ານມາ.
ໂຮງງານຜະລິດສະມາດໂຟນແຫ່ງທຳອິດຂອງຊຳຊຸງໃນຫວຽດນາມ ໄດ້ສ້າງລາຍຮັບຈາກການສົ່ງອອກແລ້ວ 1,9 ຕື້ໂດລາ
ໃນໄລຍະ 4 ເດືອນທຳອິດຂອງການດຳເນີນການຜະລິດ ໂດຍອີງຕາມການລາຍງານຂອງອົງການປົກຄອງທ້ອງຖິ່ນແຂວງ
ຖາຍຫວຽນ ພ້ອມທັງຍັງຄາດການອີກວ່າ ລາຍໄດ້ທັງໝົດຂອງບໍລິສັດ ຈະເພີ່ມຂຶ້ນຫລາຍກ່ວາ 67% ຢູ່ທີ່ 13,4 ຕື້ໂດລາ
ພາຍໃນປີໜ້າ.