ຈາກການລາຍງານຂອງສຳນັກຂ່າວ ຣອຍເຕີ ໄດ້ລາຍວ່າ: ທ່ານ Narendra Modi ນາຍົກລັດຖະມົນຕີອິນເດຍ ໄດ້ຍົກເລີກແຜນການ “ລ້ຽງໂລກ” ຫຼື “feed the world” ເຊິ່ງອິນເດຍເປັນຜູ້ຜະລິດເຂົ້າສາລີທີ່ໃຫຍ່ເປັນອັນດັບ 2 ຂອງໂລກ.

ໃນເດືອນເມສາ ທ່ານ Modi ໄດ້ກ່າວຕໍ່ປະຊາຊົນວ່າ ຈະສະໜອງໃນຕະຫຼາດເມັດພືດໂລກ ໂດຍການເພີ່ມການສົ່ງອອກເຂົ້າສາລີຂອງປະເທດອອກ, ຫຼັງຈາກທີ່ມີການເກັບກ່ຽວຜົນຜະລິດ 5 ເທື່ອຕິດຕໍ່ກັນ. ຕາມປະເພນີແລ້ວ ອິນເດຍສົ່ງອອກເຂົ້າສາລີພຽງໜ້ອຍດຽວ, ເພື່ອເກັບຮັກສາພືດສ່ວນໃຫຍ່ໄວ້ເພື່ອບໍລິໂພກພາຍໃນປະເທດ.

ວັນ​ທີ 12 ພຶດສະພາ​ນີ້, ກະຊວງ​ການ​ຄ້າ ​ແລະ​ ອຸດສາຫະກຳ​ອິນ​ເດຍກ່າວ​ວ່າ: ​ໄດ້​ກະກຽມ​ສົ່ງ​ຄະນະ​ຜູ້​ແທນ​ໄປ 9 ປະ​ເທດ​ເພື່ອ​ສົ່ງ​ອອກ​ເຂົ້າສາລີ​ໃຫ້​ໄດ້​ເຖິງ 10 ລ້ານ​ໂຕນ​ໃນ​ປີນີ້ ​ເພີ່ມ​ຂຶ້ນ​ຫຼາຍ​ກວ່າ​ລະດູ​ການ​ກ່ອນ.

ແຕ່ອິນເດຍໄດ້ປະສົບບັນຫາທຳອິດຄື ຄວາມຮ້ອນທີ່ໄດ້ແຜ່ໄປທົ່ວອິນເດຍ ຈົນໄດ້ຫຼຸດການປູກເຂົ້າສາລີ ເຊິ່ງມັນສົ່ງຜົນກະທົບຕໍ່ຜົນຜະລິດຢ່າງໃຫຍ່ຫຼວງ.

ແລະ ເນື່ອງຈາກວ່າດິນເດຍກໍໄດ້ປະເຊີນກັບອັດຕາເງິນເຟີ້ທີ່ເພີ່ມສູງຂຶ້ນ ຈຶ່ງເຮັດໃຫ້ລັດຖະບານໄດ້ອອກມາປະກາດຢ່າງຮີບດ່ວນວ່າ “ຫ້າມການສົ່ງອອກເຂົ້າສາລີ”.