ຍອດຜູ້ເສຍຊີວິດ ຈາກແຜນດິນໄຫວ ຢູ່ອາຟະການິດສະຖານ ເພີ່ມຂຶ້ນເປັນ 1.000 ຄົນ
ສຳນັກຂ່າວ ຣອຍເຕີ ລາຍງານກ່ຽວກັບ ຕົວເລກ ຜູ້ເສຍຊີວິດ ຈາກເຫດແຜນດິນໄຫວ ໃນວັນນີ້ ຂະໜາດ 6,1 ຣິກເຕີ ເພີ່ມຂຶ້ນ 950 ຄົນ ແລະ ບາດເຈັບ ຫຼາຍກວ່າ 600 ຄົນ ແລະ ຄາດວ່າຕົວເລກ ອາດຈະມີການເພີ່ມຂຶ້ນອີກ, ເນື່ອງຈາກ ເປັນເຂດພູດອຍ ຫ່າງໄກ ສອກຫຼີກ ແລະ ຫຍຸ້ງຍາກ ໃຫ້ການເຂົ້າເຖິງ ສະຖານທີ່ ເກີດເຫດ.ປັດຈຸບັນ ເຈົ້າໜ້າທີ່ ກູ້ໄພ ແລະ ໜ່ວຍງານ ທີ່ກ່ຽວຂ້ອງ ເລັ່ງຄົ້ນຫາຜູ້ເຄາະຮ້າຍ ຍັງຕິດຢູ່ຕາມສາກອາຄານ ທີ່ໄດ້ຮັບຄວາມເສຍຫາຍຈາກແຮງ ສັ່ນສະເທືອນ ຫ່າງຈາກ ເມືອງໂຄສ ໄປທາງ ຕາເວັນຕົກ ສ່ຽງໃຕ້ 46 ກິໂລແມັດ ເປັນເມືອງ ທາງຕາເວັນຕົກ ຂອງອາຟະການິດສະຖານ ໃກ້ຊາຍແດນ ປາກິດສະຖານ ຖືວ່າ ຮຸນແຮງ ໜັກສຸດ ໃນຮອບ20ປີ ຜ່ານມາ.