ຜູ້ໂດຍສານ 126 ຄົນໜີຕາຍ ຈາກເຮືອບິນ Red Air ເນື່ອງຈາກລະບົບຕີນລໍ້ຂັດຂ້ອງຂະນະທີ່ລົງຈອດ ຈົນເຮັດໃຫ້ໄຟໄໝ້.
ໃນວັນທີ 22 ມິຖຸນາ ສຳນັກຂ່າວຕ່າງປະເທດ ລາຍງານວ່າ: ເກີດເຫດເຮືອບິນໂດຍສານ ສາຍການບິນ Red Air Flight ຂອງອາເມຣິກາ ຈາກລັດໂດມິນິກັນ ເດີນທາງມາ ລັດຟໍລິດາ ເຊິ່ງມີຜູ້ໂດຍສານ 126 ຄົນ ແລະ ລູກເຮືອ 11 ຄົນ ຢູ່ເທິງເຮືອບິນ ປະສົບອຸບັດຕິເຫດລະບົບຕີນລໍ້ຂັດຂ້ອງຂະນະຢູ່ທີ່ເດີ່ນບິນນານາຊາດໄມອາມີ່ ໃນເວລາ 17:30 ຂອງວັນທີ 21 ມິຖຸນານີ້.
ໂດຍເຮືອບິນນັ້ນ ໄດ້ເກີດແຮງກະທົບກັບພື້ນ ແລະ ໄດ້ເກີດເຫດໄຟໄໝ້ ຈົນຜູ້ໂດຍສານ 126 ຄົນ ຮີບໜີລົງມາຈາກເຮືອບິນ.
ໜ່ວຍງານຂອງສະຫະລັດອາເມຣິກາລາຍງານວ່າ ມີຄົນບາດເຈັບ 3 ຄົນ ແຕ່ບໍ່ຮຸນແຮງ ແຕ່ໄດ້ສົ່ງໄປໂຮງໝໍເປັນທີ່ຮຽບຮ້ອຍ ແລະ ທີ່ເຫຼືອແມ່ນກັບມາທີ່ອາຄານຜູ້ໂດຍສານແລ້ວ.