ໃນວັນເສົາ ທີ 18 ມິຖຸນາທີ່ຜ່ານມານີ້ ປະຊາຊົນຈາກເມືອງໄມອາມີ ຂອງອາເມຣິກາ ໄດ້ພາກັນຕໍ່ແຖວມອບອາວຸດປືນ ທີ່ຫ້ອງວ່າການປົກຄອງເມືອງ ເພື່ອທີ່ຈະບໍລິຈາກໃຫ້ກັບ ຢູເຄຣນ ໂດຍຜ່ານໂຄງການທີ່ເອີ້ນວ່າ “Guns 4 Ukraine” ທີ່ດຳເນີນການໂດຍສະພາທ້ອງຖິ່ນ.
ສະຫະລັດອາເມຣິກາ ມີຄວາມກັງວົນກ່ຽວກັບການຄວບຄຸມປືນ ເນື່ອງຈາກໃນຫຼາຍອາທິດທີ່ຜ່ານມາ ປະເທດນີ້ມີຂ່າວເລື່ອງການຍິງກັນ ໃນຫຼາຍພື້ນທີ່ , ໃນນັ້ນລວມເຖິງເຫດການກາດຍິງ ທີ່ສັງຫານເດັກນັກຮຽນໄປຫຼາຍເຖິງ 19 ຄົນ ທີ່ໂຮງຮຽນປະຖົມໃນລັດເທັກຊັສ ໃນເດືອນພຶດສະພາທີ່ຜ່ານມາ.
ຍ້ອນແນວນັ້ນທາງລັດຖະບານສະຫະລັດຈຶ່ງໄດ້ຮ່າງກົດໝາຍວ່າດ້ວຍຄວາມປອດໄພດ້ານອາວຸດປືນ ເຊິ່ງເປັນຄັ້ງທໍາອິດທີ່ອາດຈະເປັນການປະຕິຮູບກົດໝາຍປືນໃນຮອບຫຼາຍສິບປີ, ທັ້ງນີ້ເພື່ອທີ່ຈະຊ່ວຍຫຼຸດຜ່ອນຄວາມຮຸນແຮງທີ່ນຳໃຊ້ປືນພາຍໃນປະເທດໄດ້ ແລະ ຍັງເປັນການຊ່ວຍຢູເຄຣນອີກດ້ວຍ.
ແຫຼ່ງຂ່າວຈາກສຳນັກຂ່າວ ເອບີຊີ