ໃນເຄິ່ງປີ 2022 ນີ້ ໄລຍະທີ່ຜ່ານມາມີຄະດີເກີດຂຶ້ນຕາມເສັ້ນທາງລົດໄຟ ລາວ-ຈີນ ຊ່ວງນະຄອນຫຼວງວຽງຈັນທັງໝົດ 28 ເລື່ອງ, ສາມາດແກ້ໄຂໄດ້ 12 ເລື່ອງ ກັກຜູ້ຖືກຫາດຳເນີນຄະດີໄດ້ 5 ຄົນ.
ໃນວັນທີ 17 ມິຖຸນາ 2022 ຈາກການລາຍງານຂອງ ປກສ ໄດ້ລາຍງານວ່າ: ພັທ ຈັນທະບູລີ ມະນີວົງ ຮອງຫົວໜ້າຕຳຫຼວດກອງບັນຊາການ ປກສ ນະຄອນຫຼວງ ຂຶ້ນຜ່ານບົດສະຫຼຸບໃນວັນທີ 15 ມິຖຸນາ ນີ້ວ່າ: ໃນ 6 ເດືອນຕົ້ນປີ 2022, ພະແນກຕຳຫຼວດລົດໄຟນະຄອນຫຼວງ ເລີ່ມເປີດບໍລິການນຳໃຊ້ສະຖານີລົດໄຟລາວ-ຈີນ ຢູ່ນະຄອນຫຼວງວຽງຈັນ ມີເຫດການເກີດຂຶ້ນ 28 ເລື່ອງ ສາມາດແກ້ໄຂໄດ້ ຈຳນວນ 12 ເລື່ອງ, ກັກຜູ້ຖືກຫາດຳເນີນຄະດີໄດ້ 5 ຄົນ ມອບໃຫ້ກອງບັນຊາການ ປກສ ເມືອງຫາດຊາຍຟອງ ດຳເນີນຄະດີ, ໃນນັ້ນ ຄະດີທີ່ພົ້ນເດັ່ນແມ່ນ ພະແນກຕຳຫຼວດລົດໄຟກວດພົບຄົນໂດຍສານ ພົກພາທາດລະເບີດ (ລູກປືນ AK ຈຳນວນ 155 ລູກ) ເຂົ້າມາໃນສະຖານີ ໂດຍສາມາດຈັບຕົວນຳສົ່ງໃຫ້ດຳເນີນຄະດີຕາມກົດໝາຍ.
ພ້ອມກັນນັ້ນ ຍັງໃຫ້ທິດຊີ້ນຳໃຫ້ປະຊາຊົນມີສ່ວນຮວ່ມເຂົ້າໃນວຽກປ້ອງກັນ ເພື່ອບໍ່ໃຫ້ກຸ່ມຄົນບໍ່ດີຫວັງທຳລາຍມ້າງເພ ກໍ່ຄວາມບໍ່ສະຫງົບຢູ່ຕາມສະຖະນີລົດໄຟ ຫຼື ແລວທາງລົດໄຟ.
ພາບປະກອບຈາກປະຊາຊົນ
ແຫຼ່ງຂ່າວຈາກ ຄວາມສະຫງົບ