Shopee ປະກາດປົດພະງານ ທີມ ShopeeFood ແລະ ShopeePay ຫຼາຍເຖິງ 50%.

ໃນວັນທີ 14 ມິຖຸນາ, Dealstreetasia ໄດ້ລາຍງານວ່າ: Shopee ບໍລິສັດອີຄອມເມີສ ລາຍໃຫຍ່ຂອງອາຊີ ປະກາດປົດພະນັກງານ ໃນກຸ່ມອາຊີຕາເວັນອອກສຽງໃຕ້ ທັ້ງໃນປະເທດໄທ ແລະ ຫວຽດນາມ ກ່ອນໜ້ານີ້ໃນເດືອນມີນາ 2022 Shopee ປະກາດປິດກິດຈະການ ໃນອິນເດຍ ແລະ ຢຸດຈ້າງພະນັກງານຫຼາຍກວ່າ 300 ຄົນ.

ໃນການປົດພະນັກງານໃນເທື່ອນີ້ ມີຜົນກະທົບຕໍ່ພະນັກງານຂອງ ShopeePay ແລະ ShopeeFood ຫຼາຍກວ່າເຄິ່ງ ໂດຍສົ່ງອີເມລ໌ແຈ້ງໃຫ້ຮູ້ ແລະ ມີຜົນທັນທີໃນວັນພຸດ ທີ 15 ມິຖຸນາ 2022 ນີ້, ລາຍງານຍັງລະບຸວ່າ ການຕັດສິນໃຈປົດພະນັກງານຈຳນວນຫຼາຍ ໃນອາຊີຕາເວັນອອກສຽງໃຕ້ ຈະຖືກປະກາດພາຍໃນການປະຊຸມ Town Hall.

Shopee ນັ້ນຍັງຄົງຂາດທຶນ ແຕ່ສົ່ງສັນຍານຂາຂຶ້ນໂດຍ Sea Limited ບໍລິສັດແມ່ Shopee ລາຍງານຜົນປະຈຳໄຕມາດທີ່ 1 ປີ 2022, ທຸລະກິດອີຄອມເມີຊ Shopee ມີລາຍໄດ້ເພີ່ມຂຶ້ນ 64.4% ເປັນ 1,499.6 ລ້ານໂດລາ ມູນຄ່າການລົງທຶນສຸດທິ (GMV) 39 % ເປັນ 17.4 ພັນລ້ານໂດລາ ຈໍານວນຄຳສັ່ງຊື້ເພີ່ມເປັນ 1.9 ພັນລ້ານອໍເດີ.