spot_img
Homeຂ່າວພາຍ​ໃນປະລິມານສິນຄ້າທີ່ຂົນສົ່ງຜ່ານທາງລົດໄຟ ລາວ-ຈີນ ເພີ່ມຂຶ້ນຢ່າງຕໍ່ເນື່ອງ

ປະລິມານສິນຄ້າທີ່ຂົນສົ່ງຜ່ານທາງລົດໄຟ ລາວ-ຈີນ ເພີ່ມຂຶ້ນຢ່າງຕໍ່ເນື່ອງ

Published on

ອີງຕາມຂໍ້ມູນຈາກ ບໍລິສັດ ທາງລົດໄຟ ລາວ-ຈີນ ໄດ້ລາຍງານວ່າ: ນັບແຕ່ເສັ້ນທາງລົດໄຟ ລາວ-ຈີນ ເປີດໃຫ້ບໍລິການຢ່າງເປັນທາງການ ຈົນມາຮອດປັດຈຸບັນ ຂະບວນລົດໄຟຂົນສົ່ງສິນຄ້າຜ່ານແດນ ຜ່ານລົດໄຟ ລາວ-ຈີນ ນັບມື້ນັບວ່ອງໄວ ແລະ ເພີ່ມຂຶ້ນຢ່າງຕໍ່ເນື່ອງ.

ມາຮອດວັນທີ 6 ມິຖຸນາ 2022, ປະລິມານການຂົນສົ່ງສິນຄ້າຜ່ານແດນ ຜ່ານທາງລົດໄຟ ລາວ-ຈີນ ໄດ້ຫຼາຍກວ່າ 651.000 ໂຕນ, ສະແດງໃຫ້ເຫັນເຖິງບົດບາດການເປັນຊ່ອງທາງການຂົນສົ່ງສາກົນ ທີ່ສຳຄັນທີ່ນັບມື້ນັບມີຄວາມຊັດເຈນຫລາຍຂຶ້ນ, ໃນຂະນະດຽວກັນນັ້ນ ໃນວັນທີ 7 ມິຖຸນາ 2022, ລົດໄຟສິນຄ້າຂະບວນ 30002 ບັນຈຸຕູ້ຄອນເທັນເນີ 48 ຕູ້ ທີ່ຂົນສົ່ງເກືອໂພແທດຊຽມ ຈຳນວນ 1.252,2 ໂຕນ ໄດ້ສົ່ງອອກຈາກສະຖານີຂົນສົ່ງສິນຄ້າວຽງຈັນໃຕ້ ເຊິ່ງປາຍທາງຂອງການຂົນສົ່ງຄັ້ງນີ້ ແມ່ນສະຖານີບ້ານຖວນເຈ ນະຄອນສົງຊິ້ງ ປະເທດຈີນ ໂດຍຜ່ານດ່ານ ບໍ່ເຕ່ນ-ບໍ່ຫານ.

ນັບຕັ້ງແຕ່ເປີດນຳໃຊ້ທາງລົດໄຟ ລາວ-ຈີນ ເປັນຕົ້ນມາ ໄດ້ມີການຂົນສົ່ງສິນ ຄ້າຫຼາຍກວ່າ 10 ປະເພດ ກວມເອົາຫຼາຍກວ່າ 100 ຊະນິດ, ແນໃສ່ການຂົນສົ່ງພາກພື້ນເຊັ່ນ: ໄທ, ມາເລເຊຍ, ມຽນມາ, ສິງກະໂປ ແລະ ປະເທດອື່ນໆລວມກວ່າ 10 ປະເທດ. ການຂົນສົ່ງສິນຄ້າຈາກຈີນມາລາວສ່ວນໃຫຍ່ຈະແມ່ນ ສິນຄ້າທີ່ໃຊ້ໃນຊີວິດປະຈຳວັນທົ່ວໄປ ເປັນຕົ້ນ ຝຸ່ນ, ເຄື່ອງເອເລັກໂທຣນິກ, ເຄື່ອງຜະລິດໄຟຟ້າແສງຕາເວັນ, ແຜ່ນແພ, ຜັກ ແລະ ອື່ນໆ, ສ່ວນການຂົນສົ່ງສິນຄ້າຈາກລາວໄປຈີນ ສ່ວນໃຫຍ່ຈະເປັນຜະລິດຕະພັນກະສິກຳ ເຊັ່ນ: ມັນຕົ້ນ, ຢາງພາລາ, ໝາກເດືອຍ, ແປ້ງມັນຕົ້ນ, ເຫຼັກ, ສັງກະສີ, ໝາກຖົ່ວລຽນ ແລະ ອື່ນໆ.

ບໍລິສັດທາງລົດໄຟ ລາວ-ຈີນ ໄດ້ເລີ່ມຈັດຕັ້ງປະຕິບັດແຜນການຂົນສົ່ງສິນຄ້າ ທີ່ສຳຄັນຢ່າງຮອບດ້ານ ໂດຍເນັ້ນໃຫ້ບູລິມະສິດໃນການຂົນສົ່ງສິນຄ້າທີ່ນຳເອົາຜົນປະໂຫຍດ ຕໍ່ການເປັນຢູ່ຂອງປະຊາຊົນ ຄື: ບຸລິມິສິດໃນການຈັດການ, ບຸລິມິສິດ ໃນການຈັດລົດ, ບຸລິມິສິດໃນການບັນທຸກໃສ່ລົດ, ບຸລິມິສິດໃນການປ່ອຍອອກກ່ອນ ແລະ ບຸລິມິສິດໃນການຍໍລົງລົດ ແລະ ມາດຕະການການຂົນສົ່ງອື່ນໆ.

ບົດຄວາມຫຼ້າສຸດ

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...