ໃນລະຫວ່າງວັນທີ 7-10 ມິຖຸນາ 2022 ທີ່ຜ່ານມາ ກົມ, ກອງບັນຊາການ, ວິທະຍາຄານ ອ້ອມຂ້າງກະຊວງ ປກສ ຄື: ກົມສື່ສານ, ກອງບັນຊາການປ້ອງກັນທີ່ຕັ້ງ, ວິທະຍາຄານຕໍາຫຼວດປະຊາຊົນ ໄດ້ຈັດພິທີປະກາດ ເລື່ອນຊັ້ນໃຫ້ນາຍຕໍາຫຼວດທີ່ມີຜົນງານດີເດັ່ນ ແລະ ຄົບມາດຖານເງື່ອນໄຂໃນການເລື່ອນຊັ້ນ, ແຕ່ລະພາກສ່ວນປະດັບຊັ້ນໂດຍ ພົຈວ ແສງປະເສີດ ສຸທໍາມະວົງ ຫົວຫນ້າກົມສື່ສານ, ພົຈວ ໄຊສີ ແກ້ວສະຫງ່າ ຫົວຫນ້າກອງບັນຊາການປ້ອງກັນທີ່ຕັ້ງ, ພ້ອ ຄໍາພັດ ສາລີວອນ ຮອງຫົວຫນ້າອໍານວຍການວິທະຍາຄານຕ່ໍາ ຫຼວດປະຊາຊົນ, ມີຄະພັກ-ຄະນະບັນຊາ, ພ້ອມດ້ວຍນາຍຕໍາຫຼວດຜູ້ທີ່ໄດ້ຮັບການເລື່ອນຊັ້ນ ເຂົ້າຮ່ວມ.
ໃນພິທີປະກາດ ເລື່ອນຊັ້ນໃຫ້ນາຍຕໍາຫຼວດທີ່ມີຜົນງານດີເດັ່ນ ແລະ ຄົບມາດຖານເງື່ອນໄຂໃນການເລື່ອນຊັ້ນມີ: ກົມສື່ສານມີພະນັກງານໄດ້ຮັບເລື່ອນຊັ້ນ ຈໍານວນ 4 ສະຫາຍ ຍິງ 1 ສະຫາຍ ຄື: ເລື່ອນຊັ້ນ ພັນຕີ ຂຶ້ນ ພັນ ໂທ 1 ສະ ຫາຍ, ຮ້ອຍໂທ ຂຶ້ນ ຮ້ອຍເອກ 1 ສະຫາຍ, ວາທີ ຂຶ້ນ ຮ້ອຍຕີ 2 ສະຫາຍ.
ກອງບັນຊາການປ້ອງກັນທີ່ຕັ້ງໄດ້ຮັບເລື່ອນຊັ້ນ ຈໍານວນ 50 ສະຫາຍ ຍິງ 8 ສະຫາຍ, ໃນນີ້ເລື່ອນ ພັນຕີ ຂຶ້ນ ພັນໂທ 1 ສະຫາຍ, ຮ້ອຍເອກ ຂຶ້ນ ພັນຕີ 8 ສະຫາຍ, ຮ້ອຍໂທ ຂຶ້ນ ຮ້ອຍເອກ 29 ສະຫາຍ ຍິງ 6 ສະຫາຍ ແລະ ມີຜົນຕໍາຫຼວດທີ່ຮັບເລື່ອນຊັ້ນ ຄື: ສິບເອກ ຂຶ້ນ ວງທີ 6 ສະຫາຍ, ສິບໂທ ຂຶ້ນ ສິບເອກ 5 ສະຫາຍຍິງ 2 ສະຫາຍ ແລະ ສິບຕີ ຂຶ້ນ ສິບໂທ 1 ສະຫາຍ;
ວິທະຍາຄານຕໍາຫຼວດປະຊາຊົນ ໄດ້ຮັບເລື່ອນຊັ້ນ ຈໍານວນ 31 ສະຫາຍ ຍິງ 5 ສະຫາຍ. ໃນນີ້, ເລື່ອນ ພັນຕີ ຂຶ້ນ ພັນໂທ ຈໍານວນ 6 ສະຫາຍ, ຮ້ອຍເອກ ຂຶ້ນ ພັນຕີ 7 ສະຫາຍ ແລະ ຮ້ອຍໂທ ຂຶ້ນ ຮ້ອຍເອກ 18 ສະຫາຍ ຍິງ 5 ສະຫາຍ.
ແຫຼ່ງຂໍ້ມູນ: ຄວາມສະຫງົບ