spot_img
Homeຂ່າວຕ່າງປະເທດຈີນ ​ແລະ ຣັດ​ເຊຍ​ເປີດ​ຂົວ​ຂ້າມ​ຊາຍ​ແດນ

ຈີນ ​ແລະ ຣັດ​ເຊຍ​ເປີດ​ຂົວ​ຂ້າມ​ຊາຍ​ແດນ

Published on

ວັນ​ທີ11​ ມິຖຸນາ ທີ່ຜ່ານມາ​ນີ້, ຈີນ ​ແລະ ຣັດ​ເຊຍ ຮ່ວມ​ຈັດ ​ພິທີ ​ເປີດ​ຂົວ ​ຂ້າມ​ຊາຍ​ແດນ​ ແຫ່ງ​ໃໝ່ ຂ້າມ​ແມ່​ນ້ຳ​ ອາ​ມູຣ(Amur) ​ເຊື່ອມ​ຕໍ່ ​ລະຫວ່າງ ​ເມືອງ​ບລາ​ໂກ ​ເວສ​ເຊ​ນ (Blagoveshchensk)​ ໃນ​ພາກ​ຕາ​ເວັນ​ອອກ​ໄກ​ ຂອງຣັດ​ເຊຍ ກັບ​ເມືອງ ​ເຮ່ຍ​ເຫີ (Heihe)​ ແຂວງ ​ເຮ​ຍ​ຫລົງຈຽງ (Heilongjiang)​ ຂອງ​ຈີນ ມີ​ຄວາມ​ຍາວ​ ກວ່າ1​ ກິ​ໂລ​ແມັດ ​ໃຊ້​ງົບປະມານ ​ໃນ​ການ​ກໍ່ສ້າງ 342 ລ້ານ​ໂດ​ລາ​ ສະຫະລັດ ຫລັງ​ຈາກ​ ໄດ້​ກໍ່ສ້າງ​ເມື່ອ​ປີ 2016 ​ແລະ ສຳ​ເລັດ ​ເດືອນ​ພຶດສະພາ 2020, ​ແຕ່​ການ​ເປີດ​ຂົວ​ໄດ້ ​ຊ້າ​ອອກ​ໄປ ຍ້ອນ​ການ ​ແພ່​ລະບາດ ​ໂຄ​ວິດ-19.

ສຳລັບ ຂົວ​ແຫ່ງ​ນີ້ ຈະ​ຊ່ວຍ​ ຫຼຸດຜ່ອນ ​ໄລຍະ​ທາງ ​ໃນ​ການ​ເດີນທາງ ​ແລະ ຂົນ​ສົ່ງ​ ສິນຄ້າ ຂ້າມ​ຊາຍ​ແດນ ລະຫວ່າງ​ ຈີນ ກັບ ຣັດ​ເຊຍ ​ໄດ້​ເຖິງ 1.500 ກິ​ໂລ​ແມັດ ​ແລະ​ ຖື​ເປັນ​ເສັ້ນທາງ ​ສຳຄັນ ຂອງຣັດ​ເຊຍ ​ໃນ​ການ​ຄ້າ​ຂາຍ ກັບ​ຈີນ ​ແລະ ຈະ​ຊ່ວຍ​ ເພີ່ມ​ມູນ​ຄ່າ ​ສິນຄ້າ ກັບ​ຈີນ ​ໄດ້​ເຖິງ 200 ຕື້​ໂດ​ລາ​ສະຫະລັດ ​ໃນ​ອີກ 2 ປີ​ຕໍ່ໜ້າ ​ໂດຍ​ສະ​ເພາະ​ຈີນ ຖື​ເປັນ​ຜູ້​ຊື້​ ສິນຄ້າ ​ປະ​ເພດ ຊັບພະຍາກອນ​ ທຳ​ມະ​ຊາດ ​ແລະ ຜະລິດ​ຕະພັນ ທາງ​ກະສິກຳ​ແຫ່ງ​ໃຫຍ່​ ຂອງຣັດ​ເຊຍ.

ບົດຄວາມຫຼ້າສຸດ

ຮັດແໜ້ນສາຍພົວພັນມິດຕະພາບ ລາວ-ຫວຽດນາມ ລົງນາມເອກະສານ ການສ້າງຕັ້ງມະຫາວິທະຍາໄລມິດຕະພາບ ລາວ-ຫວຽດນາມ ຢູ່ ສປປ ລາ

ໂດຍຕອບສະໜອງ ຕາມຄຳເຊື້ອເຊີນຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ສະຫາຍ ໂຕ...

ສະໜອງທຶນການສຶກສາ ລາວ-ຮົງກາລີ ໄດ້ຮ່ວມກັນລົງນາມ ບົດບັນທຶກການຮ່ວມມືພາຍໃຕ້ຂອບໂຄງການສະໜອງທຶນ ການສຶກສາຮົງກາລີ ໄລຍະປີ 2026-2028

ໂດຍຕອບສະໜອງຕາມຄໍາເຊີນຂອງ ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ທ່ານ ປີເຕີ ຊີຢາໂຕ (Péter SZIJJÁRTÓ) ລັດຖະມົນຕີກະຊວງການຕ່າງປະເທດ...

ເຂົ້າຍຶດສິນຄ້າປອມ ເຈົ້າໜ້າທີ່ໄທເຂົ້າຍຶດສິນຄ້າປອມ ປະເພດຢາສະຫົວ, ຄີມອາບນໍ້າ ແລະ ຢາສີຟັນ ທີ່ຈັງຫວັດສະໝຸດສາຄອນ ປະເທດໄທ

ລາຍງານຈາກສຳນັກຂ່າວປະເທດໄທ ເມື່ອບໍ່ດົນມານີ້, ເຈົ້າໜ້າທີ່ CIB ເຂົ້າກັກໂຕ ນາງ Sank ສັນຊາດມຽນມາ. ຢູ່ຕໍາບົນນາດີ, ອໍເພີສະມຸດສາຄອນ, ຈັງຫວັດສະມຸດສາຄອນ. ໂດຍສາມາດຍຶດສິນຄ້າພາຍໃນສາງຫຼາຍກວ່າ 200,000 ອັນ...

ສະຫາຍ ໂຕ ເລິມ ເລຂາທິການໃຫຍ່ພັກກອມມູນິດຫວຽດນາມ ໄດ້ເດີນທາງມາເຖິງ ສປປ ລາວ ໃນຕອນເຊົ້າວັນທີ 05 ກຸມພາ 2026

ສະຫາຍ ໂຕ ເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ພ້ອມຄະນະຜູ້ແທນຂັ້ນສູງຂອງພັກ, ລັດ ແຫ່ງ ສສ ຫວຽດນາມ ໄດ້ເດີນທາງມາເຖິງສະໜາມບິນສາກົນວັດໄຕ, ນະຄອນຫຼວງວຽງຈັນ ໃນຕອນເຊົ້າວັນທີ 05 ກຸມພາ...