ວັນທີ 10 ມິຖຸນາ 2022 ທີ່ກະຊວງສາທາລະນະສຸກ, ສປປ ລາວ ໄດ້ຮັບການຊ່ວຍເຫຼືອວັກຊິນປ້ອງກັນພະຍາດໂຄວິດ-19 Johnson&Johnson ແລະ ເຂັມສັກຢາ ຈຳນວນ 400.000 ໂດສ ຈາກປະເທດຝຣັ່ງ. ການຊ່ວຍເຫຼືອນີ້ເປັນການປະກອບສ່ວນໃນວຽກງານຕ້ານ ແລະ ສະກັດກັ້ນການແຜ່ລະບາດພະຍາດໂຄວິດ-19 ໃນ ສປປລ ລາວ ຊື່ງເປັນການສະແດງເຖິງມິດຕະພາບ ແລະ ຄວາມສາມັກຄີທີ່ເປັນຮູບປະທຳ ລະຫວ່າງສອງປະເທດ. ພິທີມອບ-ຮັບວັກຊີນ ຈຳນວນດັ່ງກ່າວ ໄດ້ຮັບກຽດເຂົ້າຮ່ວມໂດຍ ທ່ານ ປອ. ດຣ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ ແລະ ທ່ານ ນາງ ຊິວ-ແລັງ ຊູອອກ ເອກອັກຄະລັດຖະທູດຝຣັ່ງ ປະຈຳ ສປປ ລາວ ພ້ອມດ້ວຍພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມ.
ແຫຼ່ງຂ່າວ ສູນຂ່າວສານການແພດສຸຂະສຶກສາ