ຊາຍແດນໄທ-ລາວ ຊ່ວຍກັນປາບປາມຢາເສບຕິດ, ຄ້າມະນຸດ ແລະ ແກ້ງຄໍເຊັນເຕີ; ຊື່ນຊົມບໍລິການລົດໄຟ ລາວ-ຈີນ ຂະນະທີ່ໄທພ້ອມເລັ່ງໃຫ້ມີການເຊື່ອມຕໍ່ລະບົບລາງລົດໄຟເພື່ອໃຫ້ໄດ້ປະໂຫຍດທັງ 2 ປະເທດ.

ໃນວັນທີ 9 ມິຖຸນາ ທ່ານ ພອ ປະຍຸດ ຈັນໂອຊາ ນາຍົກລັດຖະມົນຕີໄທ ແລະ ລັດຖະມົນຕີກະຊວງປ້ອງກັນປະເທດ ໃຫ້ການຕ້ອນຮັບ ທ່ານ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ແລະ ລັດຖະມົນຕີກະຊວງປ້ອງກັນປະເທດ ຂອງ ສປປ ລາວ ເຂົ້າຢ້ຽມຄຳນັບໃນໂອກາດເຂົ້າມາຮ່ວມປະຊຸມຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນທົ່ວໄປ ໄທ-ລາວ ຄັ້ງທີ 27.

ທັງສອງປະເທດໄດ້ກ່າວຊື່ນຊົມກັນ ແລະ ໄດ້ພ້ອມກັນຮ່ວມມືແກ້ໄຂບັນຫາແກ້ງຄໍເຊັນເຕີທີ່ມີຢູ່ໃນເຂດສາມລ່ຽມທອງຄຳ ເພື່ອບໍ່ໃຫ້ປະຊາຊົນທັງສອງປະເທດນັ້ນເດືອດຮ້ອນ, ແລະ ໄດ້ເລັ່ງໃຫ້ມີການເຊື່ອມຕໍ່ທາງລົດໄຟ ເພື່ອເປັນການກະຕຸ້ນເສດຖະກິດ ແລະ ການຄ້າຊາຍແດນ 9 ແຫ່ງ.

ແຫຼ່ງຂ່າວຈາກ ໄທລັດ