ໃນວັນພະຫັດ ທີ 9 ມິຖຸນາ ທີ່ຜ່ານມາ ຈາກການລາຍງານຂອງ ສຳນັກຂ່າວບີບີຊີ ໄດ້ລາຍງານວ່າ ເກີດເຫດໄຟໄໝ້ອາຄານສຳນັກງານກົດໝາຍ ໃນເມືອງແດກູ ປະເທດເກົາຫຼີໃຕ້ ສົ່ງຜົນໃຫ້ມີຄົນເສຍຊີວິດແລ້ວ 7 ຄົນ ແລະ ໄດ້ຮັບບາດເຈັບຫຼາຍກວ່າ 46 ຄົນ.

ເຈົ້າໜ້າທີ່ເກົາຫຼີໃຕ້ລະບຸວ່າ ກຳລັງສອບສວນສາເຫດຂອງໄຟໄໝ້ໃນເທື່ອນີ້ ແລະ ຄາດວ່າຈະເປັນຄວາມຕັ້ງໃຈວາງເພີງ ເຊິ່ງມີຜູ້ຕ້ອງສົງໄສຄື ຜູ້ຊາຍອາຍຸ 50 ປີ ທີ່ເສຍຊີວິດໃນບ່ອນເກີດເຫດ.

ຫຼັງຈາກໄຟໄໝ້ ໄດ້ລະດົມເຈົ້າໜ້າທີ່ດັບເພີງ 150 ຄົນເຂົ້າໄປ ຫຼັງຈາກທີ່ເກີດໄຟໄໝ້ສຳນັກງານປະມານ 10:55 ນາທີ ຕາມເວລາທ້ອງຖິ່ນ ເຊິ່ງເຈົ້າໜ້າທີ່ໄດ້ໃຊ້ເວລາປະມານ 20 ນາທີ ໃນການດັບໄຟໄດ້.

ເຈົ້າໜ້າທີ່ໄດ້ເຜີຍໃຫ້ເຫັນວ່າ ຈາກການກວດສອບເບື້ອງຕົ້ນໃນກ້ອງວົງຈອນປິດ ໄດ້ເຫັນຜູ້ກໍ່ເຫດນັ້ນພ້ອມກັບວັດຖຸ ໄດ້ເຂົ້າໄປຍັງຊັ້ນ 2 ຂອງອາຄານ.